Muda Hutufundisha Thamani Ya Maisha...

-
 Na Emmanuel Samuel King'ung'e

Usipotumia muda wako katika kufanya mambo ya msingi, basi mambo yasiyo ya msingi ndiyo yatatawala matumizi ya muda wako!

Uelewa kuhusu muda bado upo katika kiwango cha chini sana miongoni mwa watu wengi, na hii ndiyo sababu kubwa watu wengi hutumia sehemu kubwa ya muda wao kufanya vitu visivyokuwa na thamani kabisa au vyenye thamani ndogo!

Je muda wako wote wa thamani ulionao huwa unatumia kufanya nini?
Kumbuka, ili jambo fulani liweze kutokea ni lazima lifungamane na kipindi fulani cha muda! Hii inamaanisha pasipo uwepo wa muda hakuna chochote kile kitakachotokea!

Hivyo basi endapo utakuwa hauna chochote cha maana unachokifanya kwenye matumizi ya muda wako,  hakuna matokeo ya maana utakakayoyapata maishani mwako!

Unatakiwa kujua kwamba wengi wetu huwa tunaishia kuwa watu wa kawaida, pamoja na kupata matokeo ya wastani kutokana na namna tunavyotumia muda wetu!

Weka suala hili akilini mwako, daima muda huwa ndiyo kizuizi cha mwisho, kwani hauwezi kurudishwa nyuma, kusimamishwa, kusogezwa mbele wala kupunguzwa...
Mpenzi msomaji unatakiwa kujua kwamba kuna muda ndani ya muda! 

Hivyo basi unaalikwa kuanza kuhesabu muda wako kuanzia sekunde moja hadi nyingine, kwani kupitia sekunde dakika hupatikana, kupitia dakika saa hupatikana, kupitia saa siku hupatikana kupitia siku wiki hupatikana, kupitia wiki miezi hupatikana, kupitia miezi mwaka, hupatikana kupitia mwaka miaka hupatikana. N.k 

Hii inamaanisha kwamba kuna muda ndani ya muda hivyo basi ukipoteza hata sekunde moja tu umepoteza kitu kikubwa sana...

Hakuna aliyependelewa muda, bali sote tuna muda sawa, ila tunaishia kupata matokeo tofauti kutokana na namna tunavyotumia muda wetu!Usipochunga matumizi ya muda wako, hakuna atakayechunga kwa niaba yako!

Jifunze kukomboa wakati, ili upate matokeo makubwa maishani mwako!

Kumbuka kwa kila jambo Kuna majira yake.Hata hivyo hauwezi kuotea muda bali unaweza kuotea kufanya jambo fulani kutokana na muda uliopo!
Kesho nitakusogezea mambo matano Kuhusu Muda!

Ndimi Emmanuel Samuel King'ung'e mwalimu mwandishi muelimishaji katika eneo la maendeleo Binafsi life coach and consultant!

Unaweza kuwasiliana nami kupitia Whatsapp no+255744284329

Comments

  1. AnonymousJuly 1, 2023 at 9:53 AM

    Ahsante sana mwalimu Kwa somo hili, maisha Kwa ujumla ni muda ndio maana Kila kitu unachokifanya ktk maisha mtu anapokuhoji atakuhoji umekifanya Kwa mda Gani, umeishi huko mda Gani, unapata mshahara kiasi Fulani Kwa mda , Gani , mtu ana umri Gani Toka kuzaliwa Kwa hiyo utaona kwamba maisha ni muda, hivyo ukiweza kucheza vizuri na muda ktk maisha utapata pesa nyingi na maisha Yako yatakuwa mepesi ndio maana wazungu husema time is money, muda mali

    ReplyDelete

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more