King_Mentorship_Program

“Yaani mimi maisha yangu bila Fulani haiwezekani… Yeye ndiye alikuwa kila kitu kwangu.” Hayo ni maneno yanayotoka kwa watu ambao mapenzi yamewachanganya kiasi cha kusahau kwamba hata kabla ya mahusiano hayo, maisha yao yaliendelea vizuri tu. Kwa sababu , kabla ya huyo mtu kuingia kwenye maisha yako, uliishi, ulipumua, ulifanya kazi, ulijipanga - na uliendelea tu bila kupasuka. Lakini leo hii, mtu akikuacha unasingizia dunia yote imekugeuka. Unajifanya huna uhai. Unajifanya huna thamani. Unajifanya huwezi tena. Tatizo ni kwamba wengi wamejigeuza kuwa vipenzi ving’ang’anizi.  Hawataki kuachika, hawataki kukubali, na mbaya zaidi – mahusiano wanayong’ang’ania hayana mizizi.  Waliingia kwa kukurupuka kama vitenzi vikurupushi, halafu mwisho wa siku mwenzako kageuka na kuwa kitenzi kikwamizi, wakati wewe umebaki kuwa kitenzi king’ang’anizi. Matokeo? Unageuka kipenzi king’ang’anizi. Wewe kubembeleza; mwenzako anakukomesha. Wewe kutuma SMS; yeye kuzifuta bila kuzisoma. Wewe...

Katika zama hizi, imekuwa kawaida kusikia kauli kama “ukitaka kuwa milionea, jitamkie kila siku mimi ni milionea, kuwa na imani chanya, siku moja utakuwa.” Hizi ni kauli zinazopendwa sana na motivational speakers duniani kote.  Lakini kuna swali muhimu ambalo watu wengi hushindwa kuuliza: Kama kujitamkia kunatosha, mbona wengi wanaotoa mafundisho hayo wenyewe hawajawa mamilionea licha ya kujitamkia zaidi ya watu wanaowahudhuria? Huu ni ukweli ambao watu wachache wana uthubutu wa kuukubali: Mafanikio ya kifedha hayatokani na maneno - yanatokana na nidhamu, mikakati, na vitendo vinavyoakisi maamuzi yako ya kifedha. Unaweza kuwa na maono, unaweza kuwa na mipango, lakini kama hutachukua hatua, tayari unaandika mkataba wa kushindwa. Kwa sababu wengi wetu hatukutokea kwenye familia za kifalme au nyumba ambazo mali ni urithi wa kuzaliwa, safari ya mafanikio ya kifedha huwa ndefu na yenye changamoto.  Mara nyingi, kinachotukwamisha si umaskini; ni mtazamo wa kifedha ulioja...

Huwezi kueleweka kama hutaamua kumsikiliza mwingine.  Jifunze kutafuta kuelewa kwanza, ndipo nawe ueleweke. Moja ya changamoto kubwa inayowakabili watu wengi leo ni kutokuelewana kwa sababu hatujui kusikiliza.  Tunawatendea wenzi wetu, watoto, marafiki, wafanyakazi, viongozi na wananchi kwa misukumo ya matashi yetu binafsi - si kwa kile ambacho wao wanakihitaji au wanachokitaka. Tumezoea kufanya kwa matashi yetu, kutoa maamuzi kwa mitazamo yetu, kutoa majibu kwa mtazamo wetu - ndiyo maana mara nyingi tunawavunja mioyo wale tunaodhani tunawapenda. Hatutasikia kilio cha wengine kwa sababu tumefungua masikio lakini tumeifunga mioyo. Hatusikii hitaji la wengine kwa sababu tumefungua midomo, lakini hatufungui ufahamu. Ndiyo maana leo: Mawasiliano yanaharibika, Upendo unayeyuka, Thamani inapungua, Wanandoa wanagombana, Watoto wanakata tamaa, Jamii inavurugika, Viongozi na wananchi hawapatani, Na taifa linajaa kelele lakini halina sauti ya kuelewana. Na yote haya yanatoke...

Katika maisha, matokeo mazuri hayaji kwa sababu umetamani. Hapana. Yanakuja kwa sababu umefanya kazi inayoleta matokeo hayo. Huu ndiyo ukweli ambao watu wengi hawapendi kuusikia. Kwa sababu mambo hayatokei kwa kutaka yatokee - hutokea kwa sababu umeandaa mfumo wa kuyafanya yatokee. Kusema unataka kuwa tajiri ni sawa, lakini mchakato wa kujiandaa kuwa tajiri ndiyo huamua kama hilo tamanio linakuwa uhalisia. Kusema unataka ndoa nzuri ni vizuri, lakini kuijenga hiyo ndoa ndiyo muhimu zaidi. Kusema unataka maisha mazuri ni jambo la heri, lakini mchakato wa kuandaa maisha mazuri ndiyo unaamua kama utayapata au la. Hii ndiyo hoja ninayotaka ikae moyoni mwako vizuri: Hakuna jambo linalotokea kwenye maisha kwa sababu umetaka litokee. Kila jambo linatokea kwa sababu umeandaa mfumo wa kulifanya litokee. Watu waliofanikiwa duniani hawakufanikiwa kwa sababu walitamani mafanikio. Wamefanikiwa kwa sababu walijiandaa - kisaikolojia, kiakili na kiroho. Sasa angalia maisha yako: Je, mataman...

Eti mtoto haramu? Unalitamkaje neno hilo kwa mdomo wako bila hata kugugumia? Unajiuliza kweli unachokisema au umekuwa msemaji wa Hadithi za kale bila hata kutafakari? Watu wamepata ujasiri wa kusema wamezaa mtoto haramu! Tena wengine wanalisema hilo kama ni jambo la kawaida. Hivi kweli mtu mzima, mwenye akili timamu, anaweza kumuita mtoto mdogo - asiyejua chochote kuhusu makosa ya watu wazima - kwamba ni haramu? Ni nani aliyeharamu? Mtoto au matendo yenu yasiyo na mpangilio? Ni muhimu kuelewa hili:  Mtoto huzaliwa akiwa msafi, huru, mdadisi, na asiye na doa. Huzaliwa akiwa hana chuki, hana hukumu, hana dhambi. Makosa yanaweza kuwa ya baba na mama waliokiuka misingi ya kichamungu na kuishi kiutu, lakini kosa la watu wawili si tiketi ya kumhukumu mtoto wa watu asiyekuwa na hatia! Je, unajua unachofanya unapomwita mtoto haramu? Unamvua adabu yake. Unamnyang’anya utu wake. Unampunguzia thamani yake mbele ya jamii kabla hata hajajijua. Unammiminia mzigo wa maumivu ambao wewe...

Tatizo siyo kwamba una kitu unafanya au kuna kazi unazifanya… Naam, hilo siyo tatizo. Lakini tatizo ni matokeo ya hiyo kazi unayoifanya! Mara nyingi nimekuwa nikiomba kwa Mungu mwenye vyote, ili kile ninachokifanya kama kazi kidumishe amani ya yake, kifanyike kwa taratibu zake, huku kikileta athari chanya kwenye dunia tunamoishi - ndanimo! Ndio maana leo nasema na wewe ambaye upo tayari kufanya kila jambo ilimradi ulipwe mshahara au upate kipato... Kaa chini ujiulize: “Je, kazi yangu inathamini utu au inaharibu utu wa wengine?” Ninajua upo mtu ambaye unafundisha watu lakini unawafunga fahamu zao zisizinduke. Umewageuza watoto wa watu kuwa mifugo, huku wewe unajipatia faida. Hili ni tatizo kubwa! Kwa sababu unachofanya ni kuharibu kizazi cha sasa hadi kijacho. Urithi mzuri sio mali tu - bali ni elimu ya kuishi kiutu! Lakini si kila elimu inayofundishwa leo ni ya kiutu - nyingine ni elimu za viumbe waliotokea ulimwenguni wakiwemo: majini, malaika, na roho zisizoeleweka! Ninaj...

“Dunia haitaharibiwa na watu waovu, bali na wale wanaotazama uovu huo bila kusema wala kuchukua hatua.”  Albert Einstein Je, umewahi kujiuliza kwa nini dunia ya leo imejaa maumivu, migogoro isiyoisha, chuki za ndani zisizotamkika, na watu waliokata tamaa? Jibu lake ni moja tu: Tumeacha kuwa watu kwa ajili ya watu wenzetu. Tumejivua utu. Tumevua huruma. Tumevaa vinyago vya unafiki na ubinafsi.  Tumesahau kwamba kila anayepumua ni kioo kinachotuonyesha sisi wenyewe - na tunayomtendea ni kama tunajitendea wenyewe. Chanzo Kikuu cha Maumivu ya Watu Wengi Leo hii watu hawalalamiki kwa sababu ya ukosefu wa pesa pekee. Watu wanalalamika kwa sababu ya kutendwa visivyo. Wanaume wanasaliti wake zao na wanacheka, lakini wakisalitiwa wanataka dunia isimame. Wanawake wanadanganya hisia na kuchuna wanaume, lakini wakifanyiwa hivyo wanavunjika mioyo. Rafiki, kwanini utende kitu ambacho huwezi kustahimili wewe mwenyewe ukifanyiwa? Kama huwezi kukubali kuumizwa, kwa nini unaumiza? K...

Kila siku unayoamka ukiwa hai ni nafasi ya aina yake. Ni fursa ya kuandika upya hadithi yako na kuamua kwamba leo haifanani na jana.  Maisha yako siyo tukio la bahati nasibu; ni safari yenye lengo, safari yenye kusudi, safari inayoanza tu pale unapochukua hatua za kuijua nafsi yako. Kama hujui wewe ni nani, hujui una mabavu gani, hujui unastahili nini na unaweza kufanya nini, utabaki kuwa kivuli katika hadithi ya mtu mwingine.  Dunia haitakusubiri; kila sekunde inakimbia. Kama hutachukua nafasi yako leo, mwingine ataichukua na kuishi ndoto zake huku wewe ukitazama.  Je, utabaki hapo hapo? Au utaamua kuamka na kuanza safari ya kuutafuta utofauti ulio ndani yako? Kujitambua ni hali ya mtu kujifahamu kiundani kuhusu hisia zake, ubora wake, udhaifu wake, mahitaji yake na mambo yanayoendesha mfumo wa maisha yake.  Ni ile hali ya mtu kujijua yeye na utu wake. Swali la msingi la kujiuliza ni hili: Je, unautambua vyema utu wako kweli? Tafiti za kisaikolojia zinao...

Ukweli mchungu ni huu: Kila siku unayoishi, kila hatua unayochukua, kila jambo unalofanikisha - limejengwa juu ya kitu kimoja muhimu sana: kile unachoruhusu kiingie ndani ya akili yako. Kila mtu ana ndoto. Wengi wanaota kuwa na maisha bora, magari makubwa, familia yenye furaha, biashara zenye mafanikio.  Lakini wachache sana hujua siri hii ndogo iliyo na nguvu ya kubadilisha maisha: Ubongo wako ni kama shamba. Kile unachokipanda ndicho utakachovuna. Kama utapanda magugu kwa kuruhusu taarifa zisizo na maana, marafiki wasio na dira, muziki unaokupoteza au mazungumzo yenye kukushusha - usiwe na ndoto ya kuvuna mazao bora. Lakini kama kila siku utaamua kuwekeza ndani yako, kusoma vitabu vinavyokujenga, kuzungumza na watu wanaokuinua, kusikiliza vipindi vya maarifa na kushirikiana na walimu wanaokutia moyo - basi maisha yako hayatahitaji muujiza mwingine; maisha yako yataanza kubadilika taratibu kwa njia za ajabu. Wengi wamekosea hapa. Wanataka matokeo ya 100% bila kuweka mb...

Je, umewahi kujiuliza: Kwa nini mimi nipo duniani? Umewahi kuishi maisha yako ya kila siku huku ndani yako kuna shauku ya kufahamu maana ya uwepo wako? Kila mtu angalau mara moja hujiuliza maswali haya. Ndiyo maana, kabla hujaendelea na safari yako ya maisha, ni muhimu kuelewa maana ya KUSUDI. Sasa hebu tusome kwa makini maelezo yafuatayo kuhusu maana ya kusudi: Wacha tuangalie maana ya kusudi ili uelewe kile kinachomaanishwa hapa. Nitatoa tafsri kubwa mbili, tafsri ya pili ndiyo itafunga mjadala kuhusu maana halisi ya kusudi.  Tukianza na tafsri ya kwanza ya kusudi ni ile inayofafanua neno kusudi kama; “kitendo cha kutekeleza mpango wa Mungu kukuumba hapa duniani.”  Mungu ndiye alifanya maisha yawepo. Kuwepo kwetu sisi watu si kwa sababu ya matakwa yetu wala mapenzi yetu, bali ni kwa sababu Mungu mwenyewe alitaka iwe hivyo.  Hii ni kusema kwamba, uwepo wa maisha yako hapa duniani ni kwa sababu kuna kusudi lililopo nyuma yake.  Kwa maana hiyo kuna jukumu ...

Ni ukweli usiopingika kwamba maisha yako yanajengwa kupitia machaguo unayofanya kila siku.  Popote ulipo, umezungukwa na machaguo mengi, na kila moja lina mchango mkubwa katika kukufanya uwe jinsi ulivyo leo.  Hivyo basi, ni jukumu lako kuamua kipi ni bora kwa ajili yako na kutekeleza maamuzi hayo kwa dhamira na uamuzi thabiti.  Machaguo unayofanya sasa yanaweza kuleta matokeo makubwa baadaye, hivyo ni muhimu kuchagua kwa busara. Unapaswa kuelewa kwamba kuna uhusiano wa moja kwa moja kati ya machaguo unayofanya na kiwango chako cha kujitambua.  Baadhi ya machaguo yanaweza kuboresha hali yako ya kujitambua na kukuza uwezo wako, wakati mengine yanaweza kudidimiza kiwango chako cha kujitambua na kukuweka nyuma katika safari yako ya maisha.  Kila chaguo unalofanya lina athari kubwa kwa namna unavyojijua, jinsi unavyojiamini, na mwonekano wa maisha yako, hivyo ni muhimu kufikiria kwa kina kabla ya kuchukua hatua yoyote. Kila siku ni fursa mpya yenye nyaka...

Dunia ni halisi. Maisha ni halisi. Lakini kuishi kwa uhalisia na kumaanisha imekuwa changamoto kubwa kwa Watu  wa leo.  Wengi wamepoteza njia kwa sababu hawajui mwanzo wa kuishi. Hiki ndicho chanzo kikubwa cha kupotea kwa utambulisho wa viumbe Watu. Tunaishi katika jamii iliyopotoshwa - na hii ndiyo sababu kubwa ya kupotezwa kwa wengi wetu. Utu umepotea, upendo umepungua, umoja umekuwa adimu. Kila mtu amebaki na lake. Na kwa namna hii, tutathaminiana vipi? Tumejenga maboma ya ubaguzi, tunauguza chuki, tunatengeneza majeraha mapya kila siku kwa sababu ya kutokujua utu wetu. Tumeachwa tumeparaganyika; tumegawanywa ili tusiwe na sauti moja. Tumepoteza kumbukumbu ya mwanzo wa utu - hatujui maisha yalianzaje, na kwa sababu hiyo, hatuwezi kuyaishi kwa kumaanisha. "Kama Hatutajua Mwanzo Wetu, Hatutaelewa Mwisho Wetu" Ni rahisi sana kuishi kwa mazoea bila kuelewa tunakotoka. Lakini swali ni hili: Kama hatujui maisha yalianzaje, tutawezaje kuishi kwa lengo? Kama hatuijui d...

Bado kichwani mwako unawaza kuwa MUNGU atatenda kwa niaba yako? Bado unalemaza akili kwa kutegemea kwamba Bwana akusaidie? Kwa hiyo unafikiria MUNGU atoke kule aliko aje akutendee wewe? Kwa upekee upi ulionao,  ilhali upekee wa kweli ni wa MUNGU Mwenye vyote? Je, wewe ni zaidi ya mende, kunguni, chawa na mamba na mijusi? Ni jambo la kushangaza kuona mtu ameshindwa kuwajibika kisha anasema: "Ninasubiri Mungu atende!" Kumbuka: Mungu tayari ameumba maisha kabla hujazaliwa, bila kukuomba. Ameandaa muujiza wake unaoendeleza  maisha ya kila kiumbe hapa duniani. Kakupa akili kichwani na uwezo wa kufanya mambo yatokee. Leo hii unasema Mungu hakusaidii? Swali ni: Unataka msaada gani zaidi? Kwenye maisha, ukweli ni huu: Wewe mwenyewe una uwezo wa kufanya mambo yatokee. Mimi nina imani hiyo - na najua wazi ni wajibu wangu kutekeleza MALENGO yangu ili maisha yangu yaende.  Nisipoweka kalamu mkononi na kuandika, Mungu hataniandikia.  Nisipopambana kutafuta fedha, Mung...

Kila mtu ana kitu anachokitaka sana maishani -  ndoto, tamanio, au wazo linalowaka ndani ya moyo wake.  Wengine hutamani mafanikio makubwa, wengine amani ya akili, wengine upendo wa kweli.  Lakini si wote wanaofikia walichokitaka. Kwa bahati mbaya, mafanikio haya hayaji kwa kubahatisha.  Yanahitaji uelewa sahihi wa jinsi akili inavyofanya kazi - kujua unachotaka, kuelewa kwa nini unakitaka, na kukishikilia kwa imani isiyotikisika. Matamanio ya moyo ni sawa na maombi. Kila mtu hutamani kuwa na afya njema, furaha, utulivu wa akili, amani, na mafanikio.  Lakini si wote wanafikia. Tatizo si kukosa tamanio, bali ni kukosa maarifa na njia ya kuyatekeleza.  Wengi hujikuta wakipambana na hofu, mashaka, na mawazo ya kushindwa - na hivyo kufunga milango ya mafanikio yao wenyewe. Dunia haijibu maneno ya midomo yetu, inajibu imani iliyojengeka ndani yetu.  Wengi husema, “Nina imani nitafanikiwa,” lakini ndani yao kuna sauti ndogo inayouliza, “Kweli?” H...

Mungu aliumba maisha kwa amani na wema. Kila kiumbe kilichoumbwa kilikusudiwa kuishi katika mema, kutenda wema, na kuenenda kwa upendo. Hakuna kiumbe kinachozaliwa kikiwa na roho mbaya - roho mbaya ni zao la maisha tunayoishi. Kila kiumbe huzaliwa kikiwa na akili ya asili ya kukiongoza katika mema ya kuishi. Lakini pale kinapoishi katika mazingira ya ukatili, ubaguzi, mateso au upotevu wa maadili, roho yake huanza kubadilika. Roho mbaya ni matokeo ya kile kinachotendewa, si uumbaji wa asili. Fikiria mtoto mdogo anayeishi katika jamii yenye vita. Kila siku anaona damu, machozi, na vifo. Anaona ndugu zake wakinyanyaswa, mama akilia kwa njaa, baba akiuawa mbele yake. Wakati mwingine mtoto huyu hukua akiwa na hasira ya dunia - si kwa sababu alizaliwa na roho mbaya, bali kwa sababu dunia ilimfundisha chuki kabla haijamfundisha upendo. Katika nchi nyingi, tunaona vijana wanaoingia kwenye ugaidi, magenge ya uhalifu, au vurugu za kisiasa. Wengi wao walipitia maumivu, walinyimwa fur...

Kila mtu anahitaji elimu ili apate usahihi wa kuishi. Hilo halipingwi. Elimu ni taa ya maisha, dira ya kutambua njia sahihi, na ufunguo wa kuingia kwenye milango ya mafanikio. Lakini kuna jambo muhimu ambalo wengi wanasahau: Chanzo cha elimu hiyo. Si kila elimu inaleta nuru, na si kila mwalimu huleta mwanga. Wapo wanaofundisha kutoka kwenye giza walimo, na hivyo badala ya kukuongoza kwenye mwanga, wanakupeleka kwenye kivuli kingine. Elimu ni mduara unaozunguka kama mnyororo. Kila kiungo kwenye mnyororo huo kinaunganishwa na kingine, na nguvu yake inategemea uimara wa kiungo kilichotangulia. Ikiwa ni hivyo, basi ni muhimu sana ujue ilikotoka elimu hiyo hadi ikamfikia huyo mwalimu wako unayejivunia. Ni rahisi kufurahia mafundisho, lakini ni wachache wanaouliza “Elimu hii ilitoka wapi?” Kwa sababu chanzo cha elimu kinaamua ubora wa matokeo yake. Usipolifahamu hilo, elimu yako itaishia kutokukusaidia - itakuwa kama mduara unaozunguka bila mwelekeo, unaokufanya uendelee kujifunz...