King_Mentorship_Program

Hakuna mtu yeyote duniani mwenye mamlaka ya kupanga kiwango cha kujiona kwako isipokuwa wewe mwenyewe. Na hakuna MTU atakayekufanya ujione dhaifu bila wewe kumpa ruhusa hiyo ndani ya fikra zako. Ukweli mkubwa wa maisha ni huu: vile unavyojiona ndivyo unavyokuwa — na kwa kiwango fulani tayari umeshakuwa hivyo. Maisha hufuata picha iliyopo ndani ya akili yako. Kama ambavyo huwezi kukipata kitu ambacho hujakiona, vivyo hivyo huwezi kuwa mtu ambaye hujamuona ndani yako.  Maono ya ndani ndiyo yanayochora uhalisia wa nje. Mtu haendi mbali zaidi ya pale alipoishia kujiona, kwa sababu hapo ndipo hujenga ukomo wake wa kufikiri.  Mara nyingi huo ukomo si halisi bali ni taswira iliyojengwa na mitazamo, mazingira au maneno aliyoyakubali kuyahifadhi akilini. Kiwango cha kujiona ni kama ramani ya safari ya maisha. Inakuongoza kutoka ulipo sasa hadi pale unapojiona ukifika.  Ndiyo maana kanuni ya msawazo wa akili husema kuwa uhalisia wa maisha yako ni kivuli cha picha iliyop...

Watu wengi hudhani kwamba maisha yanapimwa kwa umri, bahati au mazingira tuliyotokea.  Lakini ukweli ambao mara nyingi hauzungumzwi ni huu: maisha hupimwa kwa kiwango cha uelewa wa mtu. Hakuna anayepiga hatua kubwa kimaisha bila kwanza kupanua uelewa wake, na hakuna anayekwama bila sababu, huwa amekwama mahali uelewa wake ulipokomea. Ndiyo maana utaona watu wanafanya kazi kwa bidii ile ile, wanatumia muda ule ule, lakini matokeo yao yanatofautiana sana.  Tofauti hiyo haipo kwenye nguvu ya mwili wala bahati, ipo kwenye kile wanachokijua, wanachoelewa, na wanachokifanya na uelewa huo.  Makala hii si ya kukutia moyo kwa maneno matamu, bali ni ya kukufanya ujitazame kwa kina, uhoji kiwango chako cha uelewa, na utambue kwa nini maisha yako yako pale yalipo—na nini hasa kinakuzuia kwenda mbali zaidi. Ukweli ni huu: hakuna mtu anayeenda mbali zaidi ya kiwango chake cha uelewa kilipokomea. Kwa maana hiyo, ukomo wa maisha yako upo kwenye kiwango chako cha uelewa. Hii i...

Kila mtu anahitaji kiongozi sahihi katika maisha yake. Kiongozi ambaye tayari amepita pale unapotaka kufanikisha. Ukikaa chini na mtu aliye na uzoefu, uelewa, na hadhi ya maisha kukuzidi, maisha yako yanaweza kuwa rahisi kufika mbali.  Kwa sababu atashirikisha kile alichofanya hadi kufika pale alipofika ambapo hata wewe unatamani upafike.  Lakini hebu tujiulize: kwanini tuna viongozi wengi lakini watu wengi wanapotea?  Kwa nini kuna walimu wengi lakini wanafunzi na jamii nyingi bado zipo katika mchanganyiko wa maisha? Sababu ni moja: Dunia ina wasemaji wengi wasiokuwa na vitendo. Wanaongoza kwa matakwa yao binafsi badala ya ukweli. Kwa hiyo, kuwa na kiongozi anayefuata kile anachosema si rahisi. Bila mwongozo halisi, kila kitu kinabaki nadharia tu. Ni muhimu kupata mtu mmoja tu: mtu unayeona anafaa kwako, anayeweza kukupa mashauri ya KWELI, si uongo wa kukubembeleza. Hakuna mtu asiyehitaji mwongozo. Hata mtu wa kwanza alihitaji mwongozo wa Mungu ili ajue njia ...

Kuna watu—lakini si kila mtu ni wako. Ukisikia mtu akisema “kuna watu na kuna viatu”, mara nyingi huwa ameshindwa kutofautisha hoja. Maisha hayagawanyiki kwa dharau, bali kwa uelewa. Ukweli ni huu: Si watu wote wataunga mkono unachofanya. Si watu wote watakuwa wafuasi wako. Si watu wote watanunua bidhaa au huduma yako. Si watu wote watajitolea kwa ajili yako. Hilo ni jambo la kawaida kabisa. Mtu kutokuunga mkono hakumaanishi yeye ni kiatu—la hasha. Huenda hakuhitaji. Au huenda anahitaji, lakini hajui kuwa wewe ndiye jibu lake. Kukupuuza kwake hakupunguzi thamani yako. Ni lazima ukubali jambo moja muhimu: Kuna watu hawatakuelewa, hata kama utakuwa mzuri kiasi gani. Hata kama utakuwa bora kiasi gani. Hata kama utajitahidi kiasi gani. Hata kama utakuwa mwema kiasi gani—bado hawatakuelewa. Na hilo si kosa lako. Watu hao si wako. Moyo wao, imani yao, na utegemezi wao umeelekezwa kwa mtu mwingine, si kwako. Na asije mtu akakutisha kwa usemi usemao: “Usimtegemee mtu.” Anayesema hi...

Kuna dhana moja muhimu sana katika maisha ya watu inayoitwa blank slate, au kwa lugha ya kifalsafa tabula rasa. Kwa mara ya kwanza nilisikia neno hili nikiwa shule ya msingi. Lakini matumizi yake yalikuwa mabaya na ya kuumiza. Mwanafunzi akifanya kosa, aliitwa “tabula rasa”—kwa maana ya mtu asiye na akili, asiyejua chochote, asiye na thamani. Tafsiri hii ilikuwa ya kupotosha na ya kuumiza. Matokeo yake yalikuwa makubwa kuliko tulivyodhani. Watoto walijiona hawafai. Walijiona wajinga. Walijiona hawana uwezo. Wengine walilia, wengine walinyamaza, lakini wengi wao waliendelea kuishi na imani hiyo hadi utu uzima. Hadi leo, bado kuna watu hawaamini katika mawazo yao, si kwa sababu hawana akili—bali kwa sababu waliambiwa hawana. Cha kushangaza ni hiki: 👉 hata huyo mwalimu aliyekuwa akitamka maneno hayo alizaliwa akiwa tabula rasa pia. Tofauti ni moja tu—yeye aliingiziwa taarifa. Akaingiza maarifa ya ualimu, akaingiza lugha, fikra, kumbukumbu na uzoefu. Kama asingepata taarifa hi...

Ni ngumu sana kuishi kwa usahihi kama hatujitambui. Na ni vigumu zaidi kujitambua kama hatujawahi kufundishwa sisi ni nani. Ndiyo maana tumeishia kuishi kwa usawa badala ya usahihi. Tunasawazisha mambo hata pale yasipostahili kusawazishwa. Hata nikikufanyia ukatili, nitatafuta namna ya kuuhalalisha—kwangu ionekane ni sawa. Lakini ukweli ni huu: Kile unachoona ni sawa, kinaweza kuwa si sawa kwa mwingine. Angalia mahusiano ya mwanaume na mwanamke. Mwanaume akichepuka, jamii inasema ni kawaida. Mwanamke akichepuka, anahukumiwa, anaitwa malaya, anatengwa, hata kufukuzwa. Lakini tukitumia mizani ya kiutu, tunagundua kuwa kuchepuka hakutakiwi kwa jinsia zote. Tofauti ni kwamba tumejifunza kuhalalisha upande mmoja na kuadhibu mwingine. Hapo ndipo tunapoanza kuishi kwenye ulimwengu wa uongo. Ulimwengu ambao unawazalisha wanafiki wengi kuliko watu halisi. Jaribu kuangalia watu 30 waliokuzunguka.  Ni wangapi unaowaona wamenyooka, wanaishi kwa ufasaha wa kiutu, hadi hata wewe unaw...

Kisha kuna jambo linaloitwa kuzaana. Kila kiumbe hupewa shauku ya kuleta nafsi nyingine duniani. Hata hivyo, kuleta nafsi bila kuiandalia urithi wa Utambuzi Binafsi na misingi ya kiutu si baraka ni mzigo. Ndiyo maana dunia ya leo imejaa mkanganyiko wa kimaadili, kifikra na kiutambulisho. Si kwa sababu tumekuwa wengi kupita kiasi, bali kwa sababu tumezalisha maisha bila misingi—bila kujitambua, bila mizizi, bila dira. Ieleweke wazi: kuzaana ni sehemu ya mfumo wa Mungu. Hata viumbe visivyo sahihi huzaana, kwa sababu kuzaana ni mfumo, si uthibitisho wa hekima. Tatizo si kuijaza Dunia. Shida ni kile unachozaa umekiandalia mazingira gani katika dunia iliyojaa vurugu, mkanganyiko na kupotea kwa misingi. Je, unawajua nguruwe? Kondoo? Mbuzi? Walipewa akili. Hakuna kiumbe ambacho Mungu aliumba bila akili. Kila kiumbe huumbwa na akili na hufundishwa kuhusu nafasi yake kupitia muujiza wa mfumo wa uhai. Lakini kiumbe kinapojitenga na mwelekeo wake wa awali, huingia katika hali ya kupot...

Ndugu zangu... Leo ninaandika makala hii si kwa hasira, wala si kwa lawama. Ninaandika kwa tafakari. Nilitulia. Nikawaza. Nikajiuliza swali moja gumu, lakini la msingi: Kwa nini sisi watu tunafanyiana ubaya, ilhali sote ni kitu kimoja? Ninajua, na nina uthibitisho thabiti; kwa hiyo ninalisema hili bila woga wala kuyumba: sisi sote ni ndugu. Si ndugu kwa sababu tunaishi jirani. Si ndugu kwa sababu tumezaliwa katika familia au ukoo mmoja. Sisi ni ndugu wa damu, kwa sababu tunatokea katika chanzo kimoja. Hapa nazungumzia chanzo cha Utu—uwepo wa MTU wa kwanza, mwanamume wa kwanza na mwanamke wa kwanza, na uzao wao uliopo hapa duniani leo. Tatizo kubwa si kwamba undugu huu haupo. Tatizo ni kwamba hatujafundishwa kuujua. Tumezoeshwa kufikiri kwamba ndugu ni yule uliyezaliwa naye familia moja. Ndugu ni yule wa ukoo wako.  Ndugu ni yule wa kabila lako. Ndugu ni yule wa dini yako. Ndugu ni yule anayefanana na wewe kwa jina, imani au mwonekano. Ikitokea MTU hana jina la ukoo kama...

Kuna jambo moja watu wengi hawajafundishwa kuhusu fedha: fedha ni mfumo wa mabadilishano. Na mfumo huu haukui kwa maombi—unakua kwa maarifa, uelewa wa namba, na uamuzi sahihi wa kiakili. Fedha haina uhusiano wa moja kwa moja na Mungu. Wala Mungu hagawi fedha. Ndiyo maana hata yule MTU wa Kwanza mnayemjua, hakuwahi kupewa fedha na Mungu. Kwa sababu fedha si riziki ya kiungu—ni zao la mahusiano kati ya viumbe. Kuimiliki fedha hakuhitaji kufunga, kujinyima, au kujitesa. Kwa sababu mgawao wa fedha hauko kwa Mungu—uko mikononi mwa watu wenzako. Na hebu nikukumbushe jambo moja: Fedha inachapishwa Uswisi. Na Mungu hayupo Uswisi. Yeye yupo huko aliko—na huko aliko hakuna makao. Makao aliyafanya kwa ajili yetu sisi tunaoishi kimwili na kiroho. Hivyo basi, kama fedha ni mgawao kutoka kwa kiumbe kimoja kwenda kwa kingine, basi sheria ni moja tu: 👉 lazima uwape watu thamani fulani, ndipo wao wakupe riziki yako. Kuwa na fedha si suala la kuomba kila siku. Ni suala la: kuelewa namba, ku...

Nitawambia mambo ambayo hakuna Mzungu wala Muarabu aliyewahi kusema—wala atakayekuja kusema. Kwa sababu wengi wenu mmelelewa kujua kwa maarifa ya kupandikizwa, mkasahau kabisa maarifa ya kwenu. Mkakumbatia yaliyoletwa, mkayadharau yaliyokuwa. Leo naendelea kuzungumzia ukweli kuhusu Mungu na uongo uliobebeshwa kumhusu. Na nisikike vizuri hapa: Nikimtaja Mungu, simtaji kutoka kwenye kitabu chochote cha tamaduni zilizoletwa. Namtaja kutoka chanzo cha utu. Nalitaja lile jina ambalo hata waliokuja na vitabu walilikuta tayari lipo. Sikulileta. Sikulifundishwa. Nililirithi. Nataja jina ambalo wazee wangu, babu zangu, na vizazi vyangu walilitambua kabla ya maandishi, kabla ya tafsiri, kabla ya mipaka. Waliliabudu si kwa woga, bali kwa ufahamu wa uhai. Nataja lile jina lenye ukuu, jina lililokuwepo kabla ya majina, linalopita kila jina lililojitangaza kuwa Mungu, na kila jina lililofananishwa na Mungu. Si jina la kutungwa. Si jina la kutafsiriwa. Si jina la kubishaniwa. Ni jina la C...

Aliyekufundisha kuhusu roho, mara nyingi hajui alichokufundisha. Ndiyo maana hata roho za wafu zimeitwa Mungu. Hapa duniani kuna wanaosema. Na kuna wanaojua wanachokisema. Kuna wanaofumba. Na kuna wanaojua kufumbua. Ndiyo maana nimesimama hapa. Si kwa makelele, si kwa mabishano, bali kwa ufumbuzi. Nitafumbua mafumbo mliyofumbiwa—ikiwemo mafumbo ya kiimani. Kwa sababu Mungu hakupi imani ili akufumbe; imani ya kweli hufungua, huangaza, na huweka wazi. Miongoni mwa masomo yanayochanganya watu wengi duniani ni somo la Roho. Limezungukwa na hofu, tafsiri za kurithi, na unyenyekevu usiohojiwa. Ndiyo maana nitaanza taratibu. Usikimbie. Utaelewa tu. Roho si dhana nyepesi. Roho si hadithi. Roho si jina la kumtukuza Mungu. Roho ni mionzi mikali sana, isiyoweza kutathminika katika hali ya kawaida ya kimaabara. Ni nguvu iliyo nje ya mizani ya macho, lakini si nje ya athari zake. Mionzi hii huingizwa katika mwili wa kiumbe pale kiumbe hicho kikiwa bado tumboni—kwa wakati mahsusi wa mimb...

Ukweli ambao wengi hawako tayari kuusikia. Kila mwaka jambo lile lile hurudiwa. Watu huandika malengo mapya. Hujiapia mabadiliko mapya. Hujiambia, “mwaka huu nitabadilika.” Lakini mwaka unaisha—maisha yale yale,hali ile ile, visingizio vile vile. Iwapo kweli malengo yangetimia kama yanavyoandikwa, dunia hii leo ingekuwa tofauti kabisa. Tungeona watu wengi wakitoka chini kwenda juu, familia zikikaa sawa, na jamii zikijengwa na watu waliojitambua. Lakini hilo halitokei. Na bila shaka, na wewe mwaka huu umejiwekea MALENGO—ya kifedha, mahusiano, afya, elimu au biashara. Lakini licha ya nia njema, wengi hushindwa kuyatekeleza. Na sababu si ukosefu wa ndoto. Sababu ni ukosefu wa uelewa wa kina wa maisha na mfumo wake. Kama umeweka malengo, soma sababu hizi kwa umakini. Usipofanya marekebisho, utajikuta ukishindwa tena—sio kwa bahati mbaya, bali kwa sababu hauzingatii mfumo. Malengo hayashindikani kwa sababu ni makubwa. Yanashindikana kwa sababu wewe hubaki mdogo kuliko yanachohit...

Leo ndugu wanauana bila hata kujua walikotoka. Ona wanavyojichanganya, wamesahau kabisa asili yao. Wanabeba mavazi, fikra, na mitazamo isiyo ya kwao—kama fahari. Wamesahau walikotoka... Wamefundishwa kudharau vya kwao. Wanabeba fikra, mavazi, na mifumo ya imani isiyo yao, kisha wanaivisha jina la “ukweli wa milele”. Wametolewa kwenye misingi ya utu wa asili yao, wakaingizwa kwenye mifumo iliyobadilisha mabaya yaonekane mazuri, na mema yaonekane ya kishenzi. Hawajui asili yao. Wamegeuzwa watumwa wa mila na tamaduni za wengine. Hawajui hata maana ya majina yao ya ukoo. Hawajui maana ya majina ya makabila yao. Hawajui kwanini waliitwa hivyo. Kwao, hayo yote ni upumbavu—hasa yakilinganishwa na imani pandikizi zinazowaharibu kiakili kila siku. Wamegawanyika makundi kwa makundi. Kila kundi linajiona ndilo sahihi. Kila kundi linahukumu lingine. Kila kundi linadai linafunguo za mbinguni—na kuliona lingine litaishia motoni. Ukiwauliza: Moto uko wapi? Hawana majibu. Ukiwauliza: Lengo...

Kwa muda mrefu nimekuwa nikitafakari swali moja kubwa linalowakabili watu wote, bila kujali rangi, taifa, au dini: Kwanini tupo, na kwanini tuliumbwa? Hili si swali la kawaida. Si swali la kujibiwa kwa sentensi nyepesi zisizo na mashiko au majibu ya kukariri.  Ni swali zito linalomlazimu mtu kutuliza fikra, kuchunguza kwa kina kila hoja, kila andiko, na kila simulizi. Linahitaji muda wa kusoma kwa makini, kutafiti kwa uangalifu, kutafakari kwa kina, na hatimaye kurudi na majibu yaliyo fasaha—si majibu ya kukariri au kurithiwa. Ni swali linalodai ujasiri wa kuhoji yaliyozoeleka, pamoja na nidhamu ya kuchunguza hoja zote—za kidini, za kifalsafa, na za kiutu—bila woga, bila upendeleo. Lengo la tafakuri hii lilikuwa moja tu: Kufahamu kusudi la uwepo wa watu kwa ujumla, na kusudi la kila mtu binafsi. Tunaishi katika ulimwengu wenye msongamano wa hoja kiasi kwamba utu wa Watu umefifia.  Leo, watu wako tayari kuumiza, kutawala, hata kuua wenzao, wakidai kuwa mamlaka yote ...