King_Mentorship_Program

Kuna ukweli mmoja ambao watu wengi wanaukwepa kimya kimya, si kwa sababu hawaujui… bali kwa sababu wanajua wakikaa nao, utawalazimisha kubadilika.  Ukweli huo ni huu—maisha hayana huruma na mtu anayekwepa gharama.  Unaweza kuomba, unaweza kutamani, unaweza hata kujifariji kwa maneno mazuri kila siku, lakini mwisho wa siku, maisha yatakupa kile ulicholipia, si kile ulichotamani.  Hapo ndipo watu wengi wanapochanganyikiwa, kwa sababu wanajiona wanastahili mengi, lakini hawajiulizi wamewekeza nini ili kustahili hayo wanayotamani. Tunaishi kwenye dunia ambayo kila mtu anataka matokeo mazuri, lakini wachache wako tayari kupitia mchakato unaozalisha matokeo hayo.  Watu wanataka pesa, lakini hawataki nidhamu ya pesa. Wanataka mahusiano bora, lakini hawataki kujibadilisha ili wawe watu bora wa kuingia kwenye mahusiano hayo.  Wanataka kuthaminiwa, lakini hawajajenga tabia zinazozalisha thamani.  Na ukweli ni huu, huwezi kuwa na maisha ya kiwango fulani k...

Watu wanakuona kama umefika — kwa kutumia vigezo vya nje. Wanakuita boss.  Kiongozi.  Tajiri.  Bwana mkubwa. Wanakusalimia kwa adabu.  Wanakutazama kama mfano wa mafanikio. Na wewe… umezoea hilo jina, mpaka umesahau wewe ni nani bila hilo. Lakini kuna ukweli ambao hujawahi kukubali — hata ukiwa peke yako usiku: Hii image unayoivaa… siyo mafanikio. Ni kifungo. Kwa sababu kila uamuzi unaotaka kufanya, lazima uupitishe kwanza kwenye hofu moja: "Watu watasemaje?" "Watanionaje?"  "Watanifikiriaje?" Sina maana ya kupuuza watu —  lakini ukweli ni huu:  ukishindwa kuchagua watu sahihi wa kubaki nao,  utaishia kuishi maisha ya kuwaridhisha wote… na kupoteza wewe mwenyewe. Unataka kubadilika… lakini unaogopa utaonekana umeanguka. Unataka kuanza upya… lakini unaogopa kupoteza thamani ya uongo uliyojenga — au uliyojengewa na mfumo. Kwa hiyo unaendelea. Unaamka kila siku ukiigiza maisha. Unaongea maneno ambayo siyo yako. Unacheka tabasamu ambalo ha...

Usijidanganye. Hujapotea kwa bahati mbaya. Ulipotezwa — na mfumo uliokuzunguka. Tangu ukiwa mdogo, hukuruhusiwa kuwa wewe. Ulifundishwa kuwa kile kinachokubalika. Ukaitwa nani. Ukaelekezwa uende wapi. Ukaambiwa nini kinafaa… na nini hakifai. Na kila ulipojaribu kuwa tofauti — ulifinywa urudi kwenye mstari. Ndoto zako ziliitwa upumbavu. Sauti yako iliitwa ujinga. Uhalisia wako ukaitwa makosa. Na bila kujua… ukaanza kujikana. Siyo kwa sababu ulitaka — bali kwa sababu ulitaka kupendwa. Ukajifunza kuvaa sura. Ukajifunza kusema maneno yasiyo yako. Ukajifunza kuishi maisha ambayo siyo yako. Na hapo ndipo ulipopotea. Leo hii unaonekana uko sawa. Unafanya kile kinachokubalika. Unaishi maisha yanayoonekana yanaeleweka. Lakini ndani yako… kuna kitu kinakataa. Kuna sauti inakuita — kimya kimya. “Huyu siyo mimi.” Na unaisikia. Lakini unaikimbia. Kwa sababu ukiisikiliza… itavunja kila kitu ulichokijenga juu ya uongo. Itakulazimisha ujiulize: Nimekuwa nani maisha yangu yote? Ninachoishi ...

Kuna gereza moja ambalo watu wengi wanaishi ndani yake maisha yao yote bila hata kutambua kuwa wamefungwa.  Gereza hilo halina kuta, halina minyororo, halina walinzi wanaolinda milango yake.  Ni gereza lisiloonekana, lakini lina nguvu kuliko magereza mengi tunayoyaona.  Gereza hilo linaitwa picha uliyojijengea kuhusu wewe mwenyewe. Ndani ya akili yako kuna taswira fulani kuhusu wewe ni nani, unaweza nini, na una thamani kiasi gani katika dunia hii.  Taswira hiyo ndiyo inayoamua ukubwa au udogo wa maisha yako, hata kabla hujajaribu kufanya jambo lolote. Kila mtu hubeba picha fulani moyoni mwake kuhusu yeye mwenyewe. Picha hiyo si lazima iwe sahihi, lakini huwa na nguvu ya ajabu sana.  Ndani yake kuna majibu ya maswali mengi ambayo mara nyingi hatujiulizi kwa sauti: Je, mimi ni mtu mwenye uwezo au mtu wa kawaida tu?  Je, ninaweza kufikia mambo makubwa au maisha yangu yataishia kwenye mipaka midogo?  Je, nina hadhi ya kusikilizwa na kuthaminiw...

Mahusiano ni uwekezaji wa maisha. Kama ilivyo katika uwekezaji mwingine wenye akili, mtu hawekezi bila kufanya tathmini ya kina.  Kabla ya kuwekeza pesa katika biashara au mradi wowote, huchunguza mazingira, uwezekano wa mafanikio, hatari zinazoweza kujitokeza, na faida inayoweza kupatikana baadaye. Lakini jambo la kushangaza ni kwamba wengi hutumia umakini mkubwa wanapowekeza fedha zao, lakini hutumia umakini mdogo sana wanapochagua mtu wa kushirikiana naye maisha.  Hapo ndipo matatizo mengi ya mahusiano huanzia.  Mahusiano yanapoanza bila ufahamu wa kina, mara nyingi hugeuka kuwa chanzo cha maumivu ya kihisia, migogoro isiyoisha, na wakati mwingine kuvunjika kwa ndoto ambazo watu walizijenga kwa matumaini makubwa. Ukweli ni kwamba mahusiano bora hayajengwi kwa bahati.  Huinuliwa kwa ufahamu, ukomavu wa fikra, na uwezo wa mtu kujitambua kabla ya kuanza kumtafuta mwingine.  Kabla hata hujakutana na mtu sahihi, kuna nguvu moja inayofanya kazi kimya ki...

Fikiria umeletwa duniani ukiwa mzima, kamili, ukiwa na uwepo wako halisi. Ukapewa jina kabla hujajijua.  Watu wakakuita kwa jina hilo kwa miaka mingi, wakalizoea, wakalithamini au wakalidharau—lakini hakuna aliyeketi nawe kukuuliza: Wewe ni nani? Ukalelewa katika jamii iliyokutambua kwa jina, si kwa kiini chako. Ukavishwa utambulisho kabla hujaunda utambuzi. Ukapewa maelekezo kabla hujapewa nafasi ya kujitambua. Ukaingizwa katika imani au mtazamo fulani wa kiitikadi uliokueleza wewe ni mkosefu, bila kukuonyesha kosa lako ni lipi.  Ukaanza kubeba mzigo wa hukumu usiyoielewa. Hukujua ulikuwa nani; ukajua tu ulipaswa kuwa nani. Ukaenda shule. Nako hukuelezwa wewe ni nani. Uliandaliwa uwe “Fulani”. Ulipewa mwelekeo uliopimwa kwa alama, ukawekwa kwenye mizani ya ufaulu na kushindwa.  Ukaambiwa una akili au huna. Ukaambiwa una uwezo au huna. Ukaanza kuamini hukumu za nje kuliko sauti ya ndani. Ulikosea jambo usilolielewa, ukaadhibiwa. Ukahukumiwa kwa vigezo usivyovi...

Kila siku unapoamka na kuingia katika ulimwengu huu, unakutana na aina nyingi za watu.  Wapo maskini na matajiri, waoga na majasiri, walioshindwa na washindi, wanaopotea gizani na wale wanaotembea kwa uhakika wakijua wanakokwenda.  Huu ndio uhalisia wa maisha: jamii imejaa mifumo tofauti ya fikra, tabia, na matokeo.  Lakini ndani ya msitu huu wa watu, kuna swali moja lenye uzito mkubwa kuliko yote—unachagua nani awe mfano wako. Ukweli ambao watu wengi hawautambui ni kwamba MTU hujifunza zaidi kwa kuiga kuliko kusikiliza.  Tunachokiona mara kwa mara hutengeneza picha ndani ya akili zetu; na picha hizo hubadilika kuwa imani, imani hubadilika kuwa tabia, na tabia hatimaye huzaa matokeo ya maisha yetu.  Kwa hiyo, kila unapochagua mtu wa kumtazama kama shujaa au mfano wa maisha, kwa namna isiyoonekana unaanza kuunda ramani ya hatima yako mwenyewe. Ndiyo maana kuchagua mashujaa si jambo la bahati mbaya. Ni uamuzi wa kimkakati. Mashujaa wako wanaweza kukuin...

Kuna dhana ambayo imejengeka kwa nguvu katika jamii nyingi inayoitwa mapito ya maisha.  Kwa muda mrefu, dhana hii imefungwa moja kwa moja na Mungu kana kwamba kila ugumu, kila maumivu, kila kushindwa ni maandishi ya moja kwa moja yaliyokwisha kupangwa. Lakini kuna swali la msingi ambalo halijawahi kuulizwa kwa uzito unaostahili: kama ulipewa akili, ulipewa utashi, ulipewa hiari ya kuishi isipokuwa tu uwe sahihi — bado unaongozwa au umepewa mamlaka? Shida si kuongozwa. Shida ni kuambiwa unaongozwa huku ukiendelea kupambana kumuomba huyo anayesemekana anakuongoza akuokoe katika magumu.  Kama ndiye anayekuongoza, kwa nini akupeleke kwenye maumivu halafu akuache umuombe akutoe humo? Hapa ndipo mkanganyiko wa kiakili unapoanzia. Kwa muda mrefu, MTU amekuwa akihamisha uwajibikaji wa maisha yake kwa nguvu za nje. Ugumu ukitokea, anasema ni mapito. Akiumia, anasema ameandikiwa. Akikosea, anatafuta chanzo nje yake.  Lakini hapohapo, huyo huyo ataomba mabadiliko. Ataom...

Najua hakuna mtu aliyewahi kukuambia wewe ni nani. Labda ndiyo maana unajidharau, labda ndiyo maana unajiona hutoshi, labda ndiyo maana unajidunisha.  Lakini jiulize: kwa nini unaishi kwa kuzingatia zaidi sauti za wengine kuliko sauti yako mwenyewe?  Kwa nini unamzingatia rafiki kuliko nafsi yako? Kwa nini unalipa uzito pendekezo la mwalimu, mchungaji, au mfanyakazi mwenzako kuliko msukumo wa ndani unaokujua zaidi?  Kwa nini uzingatie maoni ya watu wasiojua hatima yako, ilhali wewe ndiye umebeba hatima ya maisha yako?  Sisi Watu tunahitajiana, tunapaswa kusaidiana kwa mema, lakini msaada haupaswi kuwa minyororo na ushauri haupaswi kuwa kifungo.  Swali si kama wewe ni mwema au mzuri; swali ni: unafanya nini kwa wengine na zaidi ya hapo, unafanya nini kwa nafsi yako?  Mchango wako katika jamii umetosha, au bado una wajibu ambao hujauvaa kwa ujasiri?  Kama unajua una wajibu wa kubadilisha jamii, kwa nini umeiruhusu jamii ikuamulie thamani yako...

Tatizo la MTU halijawahi kuwa dunia. Halijawahi kuwa mfumo. Halijawahi kuwa mazingira.  Tatizo la MTU ni kukimbia ukweli wake mwenyewe. Kwa sababu anaishi katika mgawanyiko wa ndani. Anasema kitu huku akijua kabisa haishi kile anachosema.  Anakemea kwa sauti kubwa yale ambayo ndani yake anayapenda. Hapo ndipo usanii unaanzia. Msanii si lazima awe jukwaani. Msanii ni yule MTU anayejenga taswira ya maadili asiyoishi. Ni yule MTU anayekemea kwa sauti kubwa makosa yale yale anayoyaficha moyoni.  Ni yule MTU anayehukumu wengine kwa ukali, si kwa sababu anachukia kosa, bali kwa sababu anataka kujiweka mbali na kivuli chake mwenyewe. Mgawanyiko huu wa ndani ndio chanzo cha unafiki. Na unafiki hauanzi kwa kumdanganya mwingine — unaanzia pale unapojidanganya mwenyewe. MTU anapokosea, mara nyingi hutafuta kitu cha kulaumu. Mazingira. Historia. Mfumo. Watu wengine. Bahati.  Lakini mara chache sana hukaa kimya na kusema: nimechagua hivi kimakosa. Kukubali uchaguzi wa...