King_Mentorship_Program

Hivi umewahi kufikiri kwamba muda ni rasilimali unayoweza kuiwekeza kama fedha au mali? Wengi hawalijui hilo.  Wamekuwa waumini wa kutumia muda hovyo, bila kutambua kwamba sehemu kubwa ya maisha yao inapotea kupitia muda wanaouharibu. Leo, ngoja nikuoneshe mambo matano ya msingi unayopaswa kuyafahamu kuhusu muda, mambo ambayo yakieleweka vizuri, yanaweza kubadili kabisa namna unavyoishi na kupanga maisha yako. 1. Muda ni Maisha Muda ndicho kipimo halisi cha hadhi ya maisha ya kila MTU. Kutoka siku ulipozaliwa hadi sasa, maisha yako yote ni mkusanyiko wa vipindi vya muda vilivyopita. Hadhi ya maisha yako inahusiana moja kwa moja na namna ulivyotumia muda wako. Wapo watu wenye umri mdogo lakini wamepiga hatua kubwa kimaisha; na wapo wazee ambao miaka imepita bila mafanikio makubwa. Tofauti yao haipo kwenye umri - ipo kwenye *lmatumizi ya muda. Jiulize leo: Kwa muda wote niliouishi, nimefanya nini cha kujivunia? Hadhi ya maisha yangu inaakisi matumizi bora ya muda wangu kw...

Hivi umewahi kujiuliza kwa kina, “Kwani tatizo langu ni nini hasa?” Ni swali rahisi, lakini ndani yake kuna uzito wa maisha.  Kila siku mamilioni ya watu duniani huamka wakiwa na mzigo wa lawama juu ya hali zao.  Wanalaumu mazingira, uchumi, wazazi, wapenzi, serikali, na wakati mwingine hata Mungu. Wengine hufika mbali zaidi na kumlaumu “Shetani” kana kwamba yeye ndiye anayeshika hatamu za maisha yao.  Lakini ukweli ni kwamba tatizo haliko huko nje. Tatizo haliko kwa mtu mwingine. Tatizo haliko hata kwenye mazingira. Tatizo haliko kwenye kile unachokiona, bali kwenye namna unavyokiona. Watu wengi wamezoea kuishi katika mfumo wa kulaumu kuliko kuchukua hatua.  Ni rahisi sana kusema, “nashindwa kwa sababu sina pesa”, “nashindwa kwa sababu watu hawaniamini”, au “nashindwa kwa sababu nilikosea zamani.”  Lakini mara chache mtu hukaa na kujiuliza, “Nimechukua hatua gani kweli?” Hakuna anayeweza kupata matokeo mapya kwa kuendelea kufanya mambo yaleyale....

Unachokipitia leo ni matokeo ya yale uliyowahi kuchagua jana. Kuna nguvu katika kila uamuzi unaoufanya. Maisha ni mlolongo wa machaguo. Kila MTU ana nafasi ya kuchagua, lakini si kila chaguo huzaa matokeo chanya. Kuna machaguo tunayoyafanya kwa hiari, machaguo yanayotokana na mifumo tuliyokuta, na mengine tunayoyafanya kwa kushinikizwa, na habari mbaya ni kwamba, yote huzaa matokeo. Kila siku unapokaa kimya, unachagua. Unapoamua kubaki kwenye hali fulani, unachagua. Unapoamua kufumba macho kwa sababu unaogopa ukweli, bado unachagua. Na ukweli ni huu: Machaguo yako ndiyo yanayoandika hadithi ya maisha yako. Hakuna kinachoitwa bahati mbaya. Kuna kupanga au kupangiwa. Kuna kufikiri au kuachia wengine wakufikirie. Na kila kimoja kina matokeo yake. Huenda umewahi kuchagua kuingia kwenye mahusiano kwa haraka bila kuchunguza kwa kina, na sasa umebeba majeraha ambayo usingeyataka. Huenda umewahi kuchagua kuridhika na kipato kidogo kwa sababu uliamini hakuna njia nyingine, na leo un...

Ni matumaini yangu unapoisoma makala hii, uko tayari kukutana na ukweli ambao huenda hukuwahi kuusikia popote. Nataka nikuambie kitu - ujinga siyo kutojua kusoma na kuandika, la hasha! Ujinga ni hali ya mtu kuishi maisha ambayo hajui kwa nini anaishi, hajui anachomiliki ndani yake, na hajui anapaswa kudhibiti nini ili afikie kile anachotamani. Leo sina neno jingine zaidi ya hili:  Twende pamoja katika safari ya kuutokomeza ujinga, ndani yetu, kwenye familia zetu, katika jamii zetu na hata kwenye taifa letu. Kwa sababu bila maarifa, mtu anaweza kuwa na elimu ya darasani lakini bado akaishi katika giza la ujinga. Zifuatazo ni aina tano za ujinga ambazo kila MTU anatakiwa azifahamu ili ajikomboe. 1. Ujinga wa Kutokujua Mimi ni Nani Huu ndio ujinga wa kwanza na wa hatari zaidi. Watu wengi wamepotea kwa sababu hawajui wao ni nani. Wamelelewa na mifumo ya kutengenezwa - mfumo wa shule, dini, utamaduni, jamii, au siasa - ambayo iliwapa utambulisho bandia. Matokeo yake, mtu ana...

Kuna watu baadhi ya watu wanaodhani ya kwamba, kuwa msomi ni sawa na kuwa na elimu, lakini ukweli ni kwamba si kila mwenye elimu ni msomi, na si kila msomi ameelimika kweli.  Wapo waliojaa vyeti lakini vichwa vyao havina tafakuri; na wapo wasiokuwa na vyeti lakini fikra zao zimefunguka zaidi ya wale waliofika vyuoni. Watu wengi  hudhani kuelimika ni sawa na kujua kusoma na kuandika. Lakini ukweli wa mambo ni kwamba maarifa ya kweli hayapimwi kwa vyeti, bali kwa namna mtu anavyotumia akili yake kufikiri, kutafakari, na kutenda. Msomi ni nani? Msomi ni mtu anayefikiri kwa kina, anayechambua mambo, anayetafuta maana iliyo ndani ya maana.  Msomi si yule mwenye stashahada, bali ni yule anayeweza kuhoji, kuchambua, na kufikia hitimisho lenye maana. Msomi hachukui kila kitu kama kilivyo - anahoji, anachunguza, anapima, kisha anatengeneza mtazamo wake wa aina yake. Msomi si lazima awe na shahada; bali lazima awe na mtazamo wa tafakuri. Msomi ni yule ambaye anaweza kuo...

Kuna misemo ambayo mtu, ukimuelewa Mungu kwa usahihi, utaacha kabisa kuitumia, kwa sababu misemo hiyo humweka Mungu katika taswira ya viumbe vinavyoishi. Mungu hana upendeleo. Aliviumba viumbe vyake vyote kwa hekima na akavipa akili timamu iwe mwongozo katika maisha yao.  Kwa hiyo, mtu kupata jambo fulani au kuneemeka kwa namna fulani haimaanishi kuwa Mungu amempendelea zaidi kuliko mwingine.  Bali ni kwa sababu zipo sababu za kuishi zinazomzunguka kila mtu ambazo ndizo husababisha kufanikisha au kukutana na fursa fulani. Sababu hizo si Mungu, wala haziko kwa Mungu; zipo kwenye mfumo wa maisha na ndani ya mtu mwenyewe. Kila mtu huzungukwa na sababu takribani 77 zinazochochea matokeo yake ya maisha.  Hivyo basi, unapokutana na fursa, bahati, au matokeo mazuri, si kwamba Mungu amekupendelea, bali ni kwamba sababu hizo zimekutana kwa wakati sahihi katika maisha yako. Lakini wengi hawajui hilo. Mtu akinunua gari husema, “Ni Mungu amenipendelea.” Akiwa amepata kazi...

"Umewahi kujiuliza kwa nini mahusiano mengi yanavunjika, hata yale yanayoanza kwa moto mkali...? Safari yangu ya kujibu swali hilo ilianza mwaka 2019. Nilipoingia kwenye mahusiano na mtu ambaye kwa kweli hakuwa na nafasi ya kuwa mwanandoa. Alijua kabisa hawezi kufika huko, lakini bado alitaka tu tuhusiane. Kwa ustaarabu nilikubali. Nikajikuta nikiwa ndani ya mahusiano ambayo hayakuwa na malengo, na hata mbaya zaidi, nikaanza kuwekewa vizuizi - nikakatazwa kuingia kwenye mahusiano mengine yenye mwelekeo.  Nikajiuliza kimya kimya: “Kwa nini nibaki mahali ambapo hakuna mwisho mzuri? Kwa nini ninyimwe nafasi ya kuanzisha kitu cha kweli?” Wakati huo nilikuwa kijana tu, mwenye ndoto nyingi lakini asiye na mwelekeo wa ndoa.  Nilijipa taswira ya maisha yangu - kijana handsome, mwenye urefu, nyusi zilizonyooka na nywele zilizokuwa zinasimama kwa wima.  Nilihisi nina kila sababu ya kuvutia, lakini ghafla nikajiona nikipoteza muda kwenye kitu kisicho na maana. Nikachukua...

Je, unafahamu kwamba maisha yako yalivyo sasa ni kivuli cha fikra ulizoziruhusu jana?  Kila hali unayoipitia leo - iwe ni mafanikio au changamoto - haijaja kwa bahati mbaya, imeanzia kwenye fikra ulizopanda akilini mwako.  Fikra zako ndizo injini inayoratibu maisha yako. Kila unalolifikiri ni tendo la uundaji.  Linapochukua nafasi moyoni mwako, dunia huanza kulipanga taratibu hadi liwe halisi. Ni suala la muda tu. Huwezi kuvuta kitu ambacho hukukiwaza kwanza kupitia fikra zako. Kila wazo ni kama mbegu. Ukipanda fikra za hofu, mavuno yake ni uoga na kukwama.  Ukipanda fikra za kutokujiamini, mavuno yake ni kukosa nafasi nyingi maishani.  Wewe ni kama sumaku inayoishi. Unavuta watu, matukio na hali vinavyoendana na fikra zinazoongoza maisha yako. Mimi nimeona watu wanaojiambia mara kwa mara, “Sina bahati, maisha yangu ni magumu,” na matokeo yake kila wanalojaribu halifanikiwi kwa sababu tayari walishalipanda hilo wazo la kushindwa ndani yao. Wengine hu...

Kabla hujaanza kutafuta suluhisho la matatizo yako, jiulize kwanza chanzo chake ni nini. Kama chanzo ni wewe mwenyewe, hakuna dawa nyingine - lazima ujisahihishe kwanza. Naam, huwezi kuondoa tatizo linalotokana na wewe bila kufanya mabadiliko ya nafsi yako .  Kuna matatizo fulani ambayo hayakuwepo hapo kabla - yameletwa, yakapokelewa, yakarithishwa, na mpaka sasa bado yapo.  Kosa la mtu mmoja au wachache linaweza kugharimu watu wengi na kuwa chanzo cha matatizo kwa kizazi chote. Kila kiumbe kiitwacho mtu kimepewa akili -timamu, lakini si kila kiumbe hicho kinatumia akili timamu! Kiumbe hicho MTU kimepewa akili, ili  kijikosoe, kijirekebisha, kitatue changamoto, na kiboreshe maisha yake.  Lakini katika zama hizi za ukweli na uwazi, kwa sababu ya tatizo la ujinga, kiumbe hiki kimegeuzwa na kuwa kama mfugo. Mfugo ambao upo radhi kupelekwa, kuongozwa, na hata kuchinjwa ili kufanywa kitoweo bila kuhoji.  Mfugo ambao unashangilia kila linalofanywa, liwe la...

Kabla hujamwambia huyo mja kwamba unataka uamuru hela iende kwake… Na wewe mja kabla hujaenda kuombewa upate hela… tulia kwanza! Ndiyo, tulia kwanza! Ndugu zangu wachungaji, waumini, na wote mnaokimbilia madhabahuni kutafuta fedha bila kujua historia kamili ya fedha - naomba mnisikilize vizuri leo. Mnadhani fedha zinashuka moja kwa moja kutoka kwa Mungu? Mnadhani kuna maombi fulani yanaweza kuibadilisha sheria ya thamani? Aaah! Ngoja nikusimulie kitu ambacho wengi wenu hamjawahi kuambiwa - kweli isiyopingika, iliyozikwa kwenye historia ya Watu. Zamani za kale, kabla hata ya historia tuliyoisoma shuleni, kulikuwepo bara kubwa sana tuliloliita leo Antaktika. Lakini wakati huo lilijulikana kwa jina lake la asili kama Sapriyango. Katika kizazi cha Shudgil na Sebro, Watu waliingiliana na viumbe wa kutokea ulimwenguni waliotoka mbali sana- viumbe hawa wanajulikana kwa lugha ya Kibantu kama Konvodi. Siku hizi, tungesema ni aliens, lakini jina lao la asili ni hilo. Konvodi hawa wal...

Je, umewahi kujiuliza kwa nini maisha yako yapo hivyo yalivyo sasa?  Ukweli ni kwamba, maisha yako ya leo ni taswira halisi ya fikra ulizoziruhusu kutawala ubongo wako jana. Maisha hayaji kwa bahati. Kila kitu ulichonacho sasa kazi, kipato, mahusiano, hata furaha au huzuni yako vyote vilianza kama fikra ndogo kichwani mwako.  Ukipanda wazo, utavuna kitendo. Ukipanda kitendo, utavuna tabia. Ukipanda tabia, utavuna utambulisho. Na utambulisho huo ndio unaoamua hatima ya maisha yako. Kanuni ya kupanda na kuvuna haiwezi kumwacha yeyote. Ukipanda mpunga utavuna mpunga, na ukipanda magugu, tegemea magugu.  Vivyo hivyo, unapopanda fikra zako, tegemea maisha yako kuwa kioo cha hizo fikra.  Ndiyo maana imewahi kusemwa: “Maisha ya mtu yeyote yule ni matokeo ya fikra zake mwenyewe.” Kile unachokiwaza ni kile utakachokiona. Fikra zako ndizo injini ya maisha yako. Zikitengenezwa, zitazaa matokeo. Zikichanganyika na imani, ndoto zako zitakua mwili.  Ikumbukwe kuwa...

“Je, tunajua maana ya kuishi, au tumegeuza maisha kuwa mashindano ya pesa?” Ukiona katika safari yako ya kuishi umefika hatua ya kujiangalia wewe tu, ukasahau kabisa kuhusu wengine, ujue bado hujajua maana ya maisha na bado hujaanza kuishi.  Kuishi siyo kula, siyo kulala, siyo kula bata, siyo kupumua tu - kuishi ni kuleta maana kwa wengine.  Maisha yakigeuka kuwa ubinafsi, hapo unakuwa mzigo, na badala ya kutoa pumzi ya uhai unakaba nafsi za wenzako. Ukiona umekuwa ni mtu ambaye kila jambo lako linafungwa na maslahi binafsi ya kifedha kiasi kwamba uko tayari kuzuia wengine wasipige hatua, basi tambua ukweli huu mchungu: *huna haja ya kuendelea kuishi kwa sababu unakwamisha maana halisi ya maisha.* Wengi wetu leo tumeshusha utu hadi kwenye kiwango cha thamani ya pesa.  Pesa ndiyo mizani ya ukubwa , pesa ndiyo kipimo cha mahusiano, pesa ndiyo kigezo cha nani anathaminiwa na nani anadharauliwa. Lakini kumbuka: *maisha yalianza kabla ya pesa, na bado yataendelea h...

Ujasiri si jambo linalotoka nje, bali ni kitu kinachoibuka kutoka ndani yako. Kujielewa si jambo linalopatikana nje yako, bali ni kitu kilichomo ndani yako. Hata hivyo, mara nyingi mtu mwingine, hasa mwenye kizibi za Kimungu, anaweza kukuonesha au kukufahamisha kile ulichonacho, lakini bado chanzo chake kiko ndani yako. Katika maisha, mara nyingi tumepotoshwa kiakili na kuaminishwa kwamba hatima njema ipo nje yetu. Tumezubaishwa hata kwenye maamuzi, kiasi cha kuamini kuwa baadhi ya maamuzi mabaya husababishwa na msukumo mkubwa kutoka nje yetu. Tukasahau kwamba sisi tuliumbwa na akili ili ijikosoe, ijirekebishe na iboreshe maisha yetu. Leo hii, mtu akifanya kosa anaona ni jambo la ajabu. Lakini ieleweke: kufanya kosa si dhambi. Kosa ni kitu kimoja na dhambi ni kitu kingine. Cha kushangaza zaidi, dhambi na kosa vimekuwa vikitazamwa kana kwamba ni kitu kimoja. Lakini leo nasema kwa uwazi: sina dhambi yoyote, ila nimefanya na bado nafanya baadhi ya makosa! Kwa mtazamo wangu, ku...

  Katika ulimwengu huu mpana sana uliojaa kelele nyingi na fujo za kutosha! Lipo neno moja ambalo linachukuliwa kikawaida sana lakini lina MAANA kubwa kwa wale wanaolipa mashiko! Neno Hilo ni thamani kwenye kamusi lipo na  kwenye akili za Watu lipo lakini limepoteza maana yake ya msingi. Katika zama hizi thamani ya kiumbe MTU inapimwa na kupitia ujuzi wake na ule uwezo wa kufanya mambo yatokee! Ieleweke kwamba si kila ujuzi ni wa thamani kuna ujuzi ambao MTU anapewa ili azubaishwe kiakili baada ya hapo yule aliyempa ujuzi ndiye anakuwa mtawala huku aliyepokea ujuzi akibaki chini! MTU huyu asipoamua kutafuta ukweli wa kuishi atabaki na thamani ndogo sana ilihali NDANI yake ana hazina kubwa sana isiyochimbwa. Ukija kwenye bara letu la arikasi/ Afrika ni dhahiri kwamba wanatengenezwa kuwa na thamani sawa ijapokuwa hawana hazina sawa NDANI Yao. Na wakihitimu mafunzo wanaonekana ni sawa na hata wakipata KAZI kuna kiwango cha mshahara kimoja! Kwa MAANA hiyo kuna thamani ...

Kila kizazi hubeba alama ya nyakati zake.  Lakini ni nadra kuona kizazi kizima kikiishi kwa uhuru wa kifikra na kwa maana kamili, huku kikiwa kimefungwa ndani ya minyororo ya mawazo ambayo hakikuunda chenyewe. Leo hii, tunashuhudia Afrika likiwa ni bara lenye watu walio hai kimwili lakini waliopotea kiakili, kiutambulisho na kimaadili.  Huu siyo mpango wa Mungu, wala si matakwa yake kwamba tupotee ili tuokolewe.  Upotevu huu ni matokeo ya kutotumia akili, kufubaisha akili na kuishi kwa kufuata ufahamu mdogo. Leo namuweka Shetani pembeni halafu tuchanane makavu live bila chenga!😀 Historia ya kweli, ile isiyochongwa na kalamu za wakoloni, inatuonesha kwamba Arikas/Afrika halikuwa bara la upotevu.  Arikas/Afrika ilikuwa kitovu cha hekima, mshikamano na Adabu. Hapa ndipo kulipohifadhiwa taratibu za Mungu na jina la Mungu lenyewe.  Huku jina MUNGU likitokea kwenye lugha ya kibantu kutoka kwenye maneno mawili; MUNU HUNGU likimaanisha “Mwenye vyote” huu ni...