King_Mentorship_Program

Siku zote nimejiuliza: “Kwa nini maisha hayaendi kirahisi tu?” Nikagundua kitu kimoja - maisha yalibadilika pale tulipoacha kuishi kwa neema na kuanza kuishi kwa riziki.  Hii ndiyo sababu leo kila huduma, kila bidhaa, na  kila mafanikio, lazima yapatikane kwa gharama. Kanuni ya maisha ni rahisi: 👉 “Ili ufurahie huduma, lazima ulipie kwanza.” Lakini gharama ya maisha siyo pesa pekee. Watu wengi wanatamani mambo makubwa - biashara zenye faida, afya bora, ndoa zenye furaha, safari za kifahari duniani na hata uhuru wa kifedha. Kila ndoto ina bei yake. Lakini gharama kubwa zaidi mara nyingi haziandikwi kwenye karatasi ya malipo. Hizi gharama hazina bei ya sokoni, hazipimwi kwa namba, lakini zinaumiza na kukua kwazo si jambo rahisi. Gharama ya muda - kuacha starehe za leo kwa ajili ya kesho yenye maana. Wakati wenzako wanacheka kwenye vikao vya marafiki, wewe unajikuta upo pekee yako ukijifunza, ukijiandaa kwa ndoto zako. Gharama ya hisia - kushindwa mara tano mfululizo...

Kabla hujasoma zaidi, jiulize maswali haya: Bado unawalaumu wazazi wako kwa kutokukupa kile unachohitaji leo? Bado unalaumu mfumo wa elimu - bila hata wewe mwenyewe kuunda mfumo wako binafsi kwa kizazi chako? Bado unashikilia lawama za jana kana kwamba zitaweza kubadili yaliyotokea? Na labda zaidi, bado unajilaumu wewe mwenyewe kwa mambo ambayo wakati huo hukuyajua? Kama jibu lako ni ndiyo, basi makala hii ni yako. Na kama jibu lako ni hapana, bado makala hii ni yako pia - maana haitoshi tu kuacha kulaumu, bali ni lazima ujue namna ya kuwajibika kikamilifu. Ndugu yangu, acha tuzungumze ukweli. Lawama hazina nguvu ya kubadili kilichotokea jana, lakini uwajibikaji una nguvu ya kubadilisha kesho yako. Ninaandika haya si kama mtu anayeongea kwa nadharia tu, bali kama mtu aliyeishi ndani yake. Nilipohitimu chuo, nilipitia kipindi kigumu sana. Nilihisi maisha hayako upande wangu. Nilihisi nimeachwa nyuma.  Nilikuwa na kila sababu ya kulaumu  - mazingira, historia yangu, ...

“Je, tunajua maana ya kuishi, au tumegeuza maisha kuwa mashindano ya pesa?” Ukiona katika safari yako ya kuishi umefika hatua ya kujiangalia wewe tu, ukasahau kabisa kuhusu wengine, ujue bado hujajua maana ya maisha na bado hujaanza kuishi.  Kuishi siyo kula, siyo kulala, siyo kula bata, siyo kupumua tu - kuishi ni kuleta maana kwa wengine.  Maisha yakigeuka kuwa ubinafsi, hapo unakuwa mzigo, na badala ya kutoa pumzi ya uhai unakaba nafsi za wenzako. Ukiona umekuwa ni mtu ambaye kila jambo lako linafungwa na maslahi binafsi ya kifedha kiasi kwamba uko tayari kuzuia wengine wasipige hatua, basi tambua ukweli huu mchungu: huna haja ya kuendelea kuishi kwa sababu unakwamisha maana halisi ya maisha. Wengi wetu leo tumeshusha utu hadi kwenye kiwango cha thamani ya pesa.  Pesa ndiyo mizani ya ukubwa , pesa ndiyo kipimo cha mahusiano, pesa ndiyo kigezo cha nani anathaminiwa na nani anadharauliwa. Lakini kumbuka: maisha yalianza kabla ya pesa, na bado yataendelea hata...

Habari yako ndugu msomaji, naamini siku yako imekuwa njema na yenye matunda ya furaha. Nilikuahidi kuwa nitakuletea mwendelezo wa somo muhimu sana kuhusu sanaa ya kuazimia na kutimiza MALENGO.  Kama nilivyosema hapo awali, safari ya mafanikio si hadithi ya ndoto, bali ni matokeo ya kile tunachochagua kufanya kila siku.  Na leo nitakushirikisha moja kwa moja uzoefu wangu binafsi juu ya kile ninachokifanya ninapoazimia lengo. Kama kuna ukweli mmoja usiopingika hapa duniani basi ni huu: hakuna lengo linalojitekeleza lenyewe. Kila lengo, liwe dogo au kubwa - linahitaji kutafuta mkakati thabiti na utekelezaji wa makini. Bila hivi viwili, lengo hubaki kuwa ndoto ya mbali isiyofikika. Hapa chini nitakupa mifano miwili halisi ya MALENGO ambayo niliwahi kuyaazimia, pamoja na hatua nilizochukua hadi yale malengo yakawa halisi.  Hii ni safari ya matendo, na naamini kupitia uzoefu huu utapata msukumo wa aina yake wa kuanzisha safari yako mwenyewe. Mfano wa kwanza: Lengo: ...

Babu wetu wa kale walituachia methali yenye uzito isiyo na mwisho wa maana: *“Ahadi ni deni.”*  Walijua fika kuwa unapomwahidi mtu jambo, kwake hiyo ahadi inageuka kuwa hitaji. Ukishindwa kutimiza, unabaki umebeba deni. Na mimi sitaki ukubaki na deni lolote lile, nilikuahidi kuwa nitatoa SoMo linalohusu sanaa ya kuazimia na kutimiza MALENGO.  Nipo hapa kusawazisha akili zako na kuzipa utimamu ili uweze kufanikisha matokeo makubwa.  Furaha yangu ni kukuona ukifanikiwa. Furaha yangu ni kushuhudia unapambana bila kikwazo mbele yako, ndiyo maana niko hapa kukupa taarifa sahihi na maarifa ya kweli ili yawe mwongozo KWAKO! Unaona ilivyo raha? Naam, ni raha isiyo na kifani. Sasa turudi kwenye maana ya lengo. Watu wengi wanaishi kwa matamanio, wakidhani ni malengo.  Mara nyingi utawasikia wakisema: *“Siku moja nitakuwa tajiri, nitakuwa na maisha mazuri, nitamiliki mali nyingi.”*  Hayo ni maneno mazuri, lakini ukweli mchungu ni huu: hayo si malengo, ni ndoto ...

Kila mtu anahitaji historia ili kupata utimilifu wa maisha.  Bila historia, hatuwezi kupata usahihi wa maisha - kwa maana maisha yetu ni historia iliyoendelea; sisi si wa kwanza kuishi. Kuna watu waliishi kabla yetu, nao ndio vizazi vyetu. Walituachia taratibu, hekima, na mila ambazo tunapaswa kuishi nazo na kuziweka hai.  Lakini je, tunatambua vizuri kuhusu asili yetu, au tumekubali kuyumbishwa na mapokeo yaliyotoka nje, hasa kutoka Ulaya? Ninapotazama bara langu pendwa - Afrika - naona mpasuko.  Wakati wa ukoloni, historia ilichongwa upya; zikaletwa bunifu hata kwenye mfumo wa Elimu ili kuendeleza udhibiti kwa watoto wa watu.  Waafrika walianza kuishi ndani ya hadithi hiyo ya uongo, na matokeo yake ni kizazi kisichojitambua - kikisahau asili yake ya kale. Mkoloni hakukoma kwa kuandika upya tu hadithi; pia aliweka mipaka, akagawa watu waliokuwa ndugu, akawatenganisha Wakenya na Warundi, Wakongo na Watanganyika - watu ambao waliishi kama ndugu kabla ya mi...

Unaweza ukawa unajiuliza akilini mwako, *“Mbona mwandishi huyu anafululiza kutuma makala za malezi, wakati sisi wasomaji wake wengine hatuna familia?”* Lakini nataka nikuambie jambo moja: *kutokuwa na familia si kigezo cha kupuuza masuala ya malezi.* Kwa sababu hata wewe usiye mzazi, uliwahi kulelewa.  Huenda uliathirika na namna ulivyolelewa, na makala hizi zikawa si hadithi tu, bali ni ponyo lako  - zikaweka mwanga sehemu ambayo malezi mabaya yaliwahi kuacha kivuli. Upate kujua kwamba miongoni mwa mambo makubwa yanayoamua hatima ya vizazi, hakuna lililo kubwa zaidi ya malezi.  Malezi ndiyo yanayoweza kukuza kizazi chenye dira, au kizazi kilichopotea. Yanaweza kumjenga mtoto kuwa taa ya jamii au kumharibia maisha na kumwacha gizani.  Ndiyo maana sitachoka kuandika, kwa sababu kila makala ni mwaliko wa kizazi kipya kutafakari upya mizizi yake. Malezi si hadithi ya nyumbani tu, si ibada ya kila siku tu, bali ni sanaa. Na kama sanaa nyingine yoyote, malezi ...

Kila mtu huomba kwa namna yake, lakini si wote hupokea majibu ya kile wanachokiomba.  Laiti ingetokea kila sala ikajibiwa kwa usawa na matamanio ya mhitaji, basi watu wanaoishi hapa duniani  wasingejua shida, mateso, au upungufu. Je, umewahi kujiuliza kwanini mara nyingi unapohitaji jambo fulani, unaomba kwa bidii, na bado kinachotokea kinakuwa kinyume kabisa na kile ulichoomba?  Je, ni kwanini baadhi ya maombi hufanikishwa huku mengine yakibaki bila majibu hata baada ya juhudi nyingi? Wengi wetu tumefundishwa kuamini katika nguvu ya maombi, lakini bado tumekwama tukipata matokeo tofauti.  Ukweli ni kwamba, kujibiwa kwa maombi si suala la bahati, si suala la dini wala dhehebu, bali ni suala la kanuni za maisha.  Na kanuni hizi zimekuwepo hata kabla dini hazijakuwepo. Ninao ujasiri wa kusema hivyo kwa sababu mtu wa kwanza kuumbwa na muujiza wa Mungu hakukuta dini yoyote, bali alikuta mazingira wezeshi na yale aliyoyafanya Mungu, ambayo yalikuwa msaada...

Umeshawahi kujiuliza kwa nini uliumbwa? Ni kusudi gani hasa lililokuletea hapa duniani? Tunaishi hapa duniani kwa mwendelezo. Maisha yetu siyo kitu kipya kilichojitokeza ghafla, bali ni sehemu ya safari ndefu ya maelfu ya miaka. Wale waliotutangulia waliweka msingi, wakapita, na sasa sisi tumepewa nafasi ya kuendelea pale walipoishia. Dunia ni moja, kizazi ni kimoja kikikabidhi kijiti kwa kingine. Lakini je, umewahi kujiuliza: Ni kusudi lipi lililokufanya uwepo katika dunia hii, baada ya safari ndefu ya takribani miaka milioni 11 ya  uwepo wa kiumbe MTU? Kwanini wewe umezaliwa katika kizazi hiki na si kizazi kilichopita? Kwanini ulipewa nafasi ya kupumua hewa hii, kuishi leo, na kushuhudia dunia hii katika hali yake ya sasa? Hakuna kitu kilichotokea kwa bahati. Uwepo wako ni sehemu ya mpango mkubwa unaoendelea, mwendelezo wa historia ya viumbe watu. Lakini swali kubwa linabaki: Wewe upo kwa ajili ya lipi? Wengine huishi maisha yao yote bila kugundua. Wanasoma, wanapata ...