Jinsi Ya Kuanza Upya Tena... mbinu ya 3&4

-
3.Jitambue Kwanza Wewe Ni Nani
Sizungumzii kujua jinsia yako, sizungumzii kutambua jina lako, sizungumzii utambulisho unaotokana na kazi unayoifanya na wala sizungumzii utambulisho unaotokana na kozi uliyosomea! 
Unatakiwa kujua kwamba kuna utambulisho wa kutengenezwa kutokana na mifumo ya nje, pamoja na utambulisho unaojitengenezea mwenyewe mara baada ya kutambua kwanini ulizaliwa na kwa nini bado uko hai!

Vilevile unatakiwa kujua kwamba kujitambua ni kama kibali kitakachokuruhusu uishi maisha yenye hadhi fulani, kwamba utauishi ukuu au udhaifu  wa maisha yako kutokana na vile unavyojitambua!

Na ifahamike kwamba, kujitambua wewe ni nani inaweza kuwa safari ndefu kidogo, kwani ili  upate kujitambua itakulazimu uanze kutafuta sababu ya kuumbwa kwako pamoja na kusudi lililomfanya Mungu akuumbe! 

Na, ndiyo maana moja ya tafsiri nyepesi ya kujitambua ni ile inayofafanua kujitambua kama ile hali ya mimi kufahamu sababu yangu ya kuishi pamoja na kuwepo hapa duniani…

Kitu kinachonisikitisha zaidi ni pale unakuta mtu, umepewa utambulisho bandia kutokana na mifumo ya kutengezewa na siyo utambulisho wako halisi na kibaya huenda umejiona wewe ndiyo ulistahili uwe hivyo kitu ambacho siyo sahihi…

 Anyway maneno yasiwe mengi najua unajiuliza sasa nitajitambuaje mimi, usijali anza kujiuliza maswali yafuatayo: 
Hivi mimi ni nani? Nimetoka wapi? Niko wapi? Ninaenda wapi? Ninamiliki nini ndani yangu? Ninaweza nikafanya nini? Kwanini nimekuwa hivi nilivyo? Nidhibiti nini katika maisha yangu? Pamoja na maswali mengine kama hayo.

Kwanini ujiulize maswali hayo? Unatakiwa ujiulize maswali kama hayo kwa sababu kuna mifumo imekuonesha wewe ni mtu wa aina Fulani, ilihali hukuumbwa uwe mtu huyo, ila umekuwa mtu wa aina hiyo kwa sababu umetengenezwa uwe hivyo!
Na huenda umeona kwamba huwezi ukawa mtu mwingine zaidi ya hivyo ulivyotengenezwa uwe kitu ambacho siyo kweli kabisa!

Sasa basi maswali hayo yatakusaidia uweze kujua wewe yule uliyepaswa uwe kabla hujaingizwa kwenye mifumo hiyo.

Habari njema nyingine ni kwamba maswali hayo yatakusaidia uweze kutengeneza ule utambulisho wako ulopaswa uuishi kabla hujatengenezwa…

Kumbuka huwezi kuanza upya kama hutojijua wewe ni nani! 
Hivyo ni muhimu kuanza upya kwa kujitambua kwanza ili ujue unaanza na nani!

4. Weka Malengo Halisi Kuhusu Kesho Yako

Ni muhimu ukaanza upya kwa kuweka malengo mahususi, halisi, yanayowezekana, yanayopimika na yenye ukomo wa muda ili uweze kubadili maisha yako. 
Unatakiwa kujua kwamba lengo ni kusudio, nia, tarajio au dhamira aiwekayo mtu ndani ya kipindi cha muda Fulani.
Unatakiwa uweke malengo ili uweze kupata matokeo ambayo hapo awali hukuyapata. Unatakiwa kujua kwamba ili upate kitu ambacho hukuwahi kukipata ni lazima ukubali kufanya kitu ambacho hukuwahi kukifanya.
Na huwezi kutimiza lengo kama hutoazimia lengo, hata hivyo huwezi kufanikisha lengo kama hakuna chochote kile ulichokiazimia! 
Kitu unachopaswa kuondoka nacho hapa ni kwamba, malengo yatakufanya upate maono mapya, yatafanya juhudi zako kuongezeka, yatachochea nguvu zako zaidi, yatafanya maisha yako yawe na kusudi, pamoja na kukusaidia ujue unachokitaka hivyo hutavipa nafasi vitu usivyovitaka katika maisha yako!
Ndugu unatakiwa kufahamu kwamba, utaanza upya safari ya maisha yako, kwa kuweka malengo mapya ambayo hapo awali hujawahi kuyaweka! 
Je ni kipi ambacho unataka ukikamilishe miaka kadhaa ijayo?
Je baada ya miaka mitano maisha yako yatakuwaje? 
Je unataka uje uwe nani miaka ijayo?
Ndugu usisubiri mambo yawe sawa kwani haitatokea mambo yakawa sawa kama hutaamua kuyaweka yawe sawa! 
Huu siyo wakati wa kusubiri mambo yatokee bali ni wakati wa kufanya mambo yatokee!
Azimia malengo mbalimbali tekeleza kwa kishindo kwani kupitia malengo ndipo mambo hutokea na maisha yako ndipo yataanza kubadilika!
Kumbuka kushindwa kupanga ni sawa na kupanga kushindwa! 
Azimia malengo tekeleza kwa kishindo!
Anza upya kwa kuweka malengo halisi kuhusu Kesho Yako! 
Ahsante Sana Kwa Kuwa Mwanafamilia Wa Masomo Haya!
Anyway Somo Lihusulo Jinsi Ya Kuanza Upya Tena litaendelea Kwa siku ya Kesho!

Ndimi Emmanuel Samuel King'ung'e, mwalimu, mwandishi muelimishaji katika eneo la maendeleo Binafsi life coach and consultant!

Unaweza kuwasiliana nami kupitia Whatsapp no +255744284329 au tembelea blog yangu kwa kuandika ekingunge.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more