Ukweli Unaopaswa Kuujua Kuhusu Bahati. sehemu ya pili

-
makala iliyopita ilidokeza hoja tatu kuhusu asili ya bahati.
Kama ulivyoahidiwa toka juzi kwamba kutakuwa na mwendelezo wake basi leo utafahamishwa hoja nyingine zaidi kuhusu asili ya bahati!
Fuatana nami, ukajionee mwenyewe!

4. Bahati Huwakuta Wale Wanaoiamini Kuwa Ipo.
Huwezi ukakivuta kitu ambacho hujakiamini kwamba kipo kwa ajili yako! 
Sasa utaivutaje bahati katika maisha yako ilihali umeamini kwamba wewe una mikosi, una laana na huna bahati?

Mpenzi unatakiwa kujua kwamba kile unachokiamini ndicho unachokivuta katika maisha yako! 
Hivyo basi endapo utakuwa unafanya juhudi zako, huku ukiamini kwamba katika juhudi zako kuna siku utabahatika, ama hakika utavuta bahati katika maisha yako kutokana na imani ilile uliyoiweka kwenye juhudi zako!

Unatakiwa kujua kwamba kuamini ni kupokea kuwa jambo Fulani ni kweli hata kama jambo hilo siyo kweli.
Lakini msisitizo upo kwenye kufanya juhudi, kwamba utakuwa ni upumbavu kuamini kuwa siku yako ya bahati inakuja ilihali hakuna chochote kile unachokifanya.

Hebu jaribu kuvuta picha hujishughulishi na chochote kile sasa hiyo bahati itatoka wapi? 
Yaani upande upepo halafu uvune dhahabu? 
Ni kitu ambacho hakiwezi kutokea na hakijawahi kutokea tokea dunia hii iumbwe!

Wahenga walisema utavuna ulichokipanda. Kwa mantiki hiyo juhudi zako utakazozipanda ndizo zitakazopima kiwango cha bahati utakayoitengeneza.

Unatakiwa kujua kwamba ukiamini katika jambo Fulani, Imani utakayoweka juu ya jambo hilo itakuwa ndiyo mbegu ya bahati yako.
Fanya juhudi, amini katika bahati nawe utaweza kuvuta bahati katika maisha yako!
Kumbuka bahati ipo kwa wale wanaoiamini kuwa ipo kwa ajili yao!

5. Bahati Inatengenezwa
Kila mtu ambaye unaona anafanya vizuri katika jambo Fulani jua kwamba kuna mazingira aliyoyatengeneza kwanza ambayo yamemfikisha hapo alipofikia.

Mungu mwenyewe kwanza aliziumba mbingu na nchi akaifanya dunia hii iwe sehemu yake ya kuwekea miguu na mbinguni iwe ndiyo sehemu ya makao yake…
Sasa kama Mungu mwenyewe alitengeneza mazingira ya makazi yake mimi na wewe ni nani hasa tusitengeneze mazingira ya bahati zetu?

Friend usimuone mtu anafanya vizuri katika eneo Fulani ukasema hapa duniani kuna watu wana bahati. Lahasha! 

Unatakiwa kujua kwamba kuna muda alikaa akatengeneza mazingira kwa ajili ya utokeaji wa bahati yake. 

Sikiliza rafiki yangu tena kwa umakini uliotukuka, mtu huyo kwanza alikaa chini, akajitathimini juu ya pale alipo, akapima ni wapi anataka kufika, akakatafuta njia ya kufika huko, akatafuta chombo cha usafiri kitakachomfikisha huko, akafanya juhudi pasipo kukata tamaa akajikuta mambo yamejipa kwa upande wake kama alivyopanga.

Halafu unatokea mtu unaanza kusema kwamba jamaa ana bahati sana, usijue ni mangapi kayafanya ili kutengeneza mazingira ya bahati yake.
Kila mtu unayemuona akiwa amefika mahali Fulani pazuri usiseme kwamba jamaa angu ana bahati, nenda kamuulize alifanya nini mpaka akafika pale alipofika, ndipo utajua kwamba kile ambacho huwa tunakiita bahati siyo bahati halisi.

Kumbuka na wewe ukifanya kama vile yeye alivyofanya utapata matokeo kama yake.
Leo kabla hujasema unangoja siku ya bahati yako ifike jaribu kujiuliza hili, ninatengeneza mazingira gani kwa ajili ya kuvuta hiyo bahati katika maisha yangu.

Usisubiri kitu ambacho huna uhakika nacho, badala yake kitengenezee mazingira ya kukivuta kitu hicho katika maisha yako. 
Kumbuka kile unachokifanya ndicho kitapima umbali utakaoenda kimaisha…
Daima tengeneza mazingira rafiki yatakayovuta bahati ije katika maisha yako.

Je nifanye nini ili niweze kuvuta bahati maishani mwangu?
Usijalii utajifunza hili kwenye makala zijazo!

Ahsante sana kuwa mwanafamilia wa masomo haya mazuri!

Ndimi Emmanuel Samuel King'ung'e, Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No +255744284329 au tembelea blog yangu kwa kuandika ekingunge.blogspot.com
 

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more