Fahamu Kuhusu Maeneo Matatu Ya Uwezo Ambao Kila Binadamu Huzaliwa Nao....

-



Habari yako rafiki! Ni matumaini yangu u mzima wa afya! Kwa upande wangu namshukuru Mungu niko vizuri na ninaendelea vyema kabisa!

Karibu kwenye mwendelezo wa somo letu linaloangazia uwezo wa maeneo kumi ambayo kila binadamu huzaliwa nao! 

Kama unakumbuka vizuri, makala iliyopita ilidokeza hoja tatu za maeneo uwezo! Hii ni sawa na kusema, makala hii ni mwendelezo wa makala iliyopita!

Kwa leo utaenda kuoneshwa uwezo mwingine wa maeneo matatu ambayo kila binadamu huzaliwa nao!

Angalizo: unaposoma maeneo haya ya uwezo, uwe unahusisha na maisha yako ili utambue unamiliki uwezo gani!
Ukishatambua eneo la uwezo wako kwa msaada zaidi nitafute nami nitakupa mawili matatu juu ya kipi unatakiwa ufanye!

Karibu sasa kwenye uchambuzi wa maeneo mengine matatu:-

 5. Uwezo Wa Uchoraji (Spatial Intelligence)

Hawa ni wataalamu katika kuona matukio fulani na kisha kwenda kuyatengenezea picha kwa kuyachora na kuyawasilisha kupitia michoro mbalimbali...
Wana uwezo mzuri sana wa kuchora picha zinazopendeza na kuvutia!

SIFA ZAO
✔️Wanakumbuka rangi mbalimbali kama vile: nguo za watu, majengo, magari n.k
✔️Wanaweza kueleza vizuri hadi anayesikiliza akajenga picha ya wanachoongea.
✔️ Wanapenda kuchora picha mbalimbali hata hata kama siyo wachoraji wazuri sana...
✔️ Wanapenda kumechisha rangi za vitu mfano, mavazi, nyumbani na simu..
 ✔️ Wanapenda sana kuona picha na filamu (movies)
✔️ Akianza kuelekeza mahali anataka kila kitu ambacho kitakusaidia utakapokwenda.
✔️ Wana kumbukumbu sana na maeneo mbalimbali na hawapotei kirahisi hata kama walifika mara moja.
✔️Huwa wanakumbuka watu hata kama walikutana na wewe mara moja kwa muda mfupi.

KAZI WANAZOWEZA KUFANYA WATU WANAOMILIKI UWEZO HUU 

➡️Mbunifu wa mavazi (designer)
➡️Wachoraji.
➡️Muuzaji nguo.
➡️Muuzaji wa bidhaa za urembo.
➡️Mpiga picha.
➡️Msanifu majengo.
➡️Mpambaji.
➡️Mrembaji wa ndani.
➡️Mpaka rangi.
➡️Mwongoza filamu/muziki.

6. Uwezo Wa Kujijua Kiundani (Intrapersonal Intelligence)/(Self Smart).

Hawa ni wazuri katika kujijua wao wenyewe kiundani, hii ni sawa na kusema watu hawa wanatambua vyema utu wao na thamani yao.

Wanaujua vyema udhaifu na uwezo wao.
Watu hawa mara nyingi wapo kivyao vyao na wako bize na mambo yao..

Mara nyingi siyo waongeaji sana na wanapenda kujifunza kivyao vyao hata kama wangesaidiwa kirahisi na mtu mwingine kirahisi...

SIFA ZAO...
➡️Mara nyingi hupenda kufanya kazi peke yao na watu wengi huwatafsiri kama ni wachoyo..
➡️Wanafanya mambo kwa ubora sana, pale wanapokuwa wanafanya wenyewe. 
➡️Wanapenda sana falsafa mbalimbali. Wakiongea utawasikia "kulingana na falsafa fulani"
➡️Wanapenda sana kuzungumza vitu vya kufikirika sana nadharia, ideas n.k
➡️Wanapenda sana mambo ya saikolojia
➡️Wanapenda mambo yao yakamilike ndiyo wafanye kitu (perfectionist).
➡️Ukitaka kufanya jambo wanauliza maswali mengi sana wakati mwingine unaweza kuwaona wasumbufu.
➡️Wanapenda kujiajiri, hawapendi kuajiiriwa hawapendi kuamrishwa , hawapendi kutumwa, hawapendi kupelekeshwa na maagizo.
➡️Wanapenda kuweka diary ya mambo. ➡️Wanaandika tar, matukio na kumbukumbu sana na watu.
➡️Wanapenda kujifunza kuhusu tabia zao.
➡️Wanapenda kufikiri na kuja na mawazo mazuri ya biashara.

KAZI WANAZOWEZA KUFANYA WATU WANAOMILIKI UWEZO HUU.

🔹Mwanasaikolojia
🔹Mwanatheolojia (mhubiri)
🔹Mtoa ushauri mzuri/consultant
🔹Mjasirimali
🔹Mwanafalsafa mzuri
🔹Mwandishi mzuri wa hadithi

NB: 
Mimi mwalimu wenu nalimiliki uwezo huu nisiwe muongo! 
Hii inamaanisha yule ambaye huwa najiona kabla mtu mtu yeyote yule hajaniona ndiyo mimi halisi.
Kwa hiyo najijua vyema kuliko yeyote yule anavyodhani ananijua! 
Kuhusu idea ninazo na ninaendelea kuziandaa zitakazokuja kuibadili jamii yangu ya Tanzania!

7. Uwezo wa ujasiriamali (Entrepreneurial Intelligence)

Huu ni uwezo wa kuwahi kuliona soko na kisha kuandaa rasilimali pamoja na bidhaa utakazouza.
Unatakiwa kujua kwamba Kuna watu huwa wanaishi miaka kumi mbele ijayo.

Watu hawa huona soko litakuwaje na kuandaa bidhaa zitakazohitajika miaka ya huko mbeleni.
Huu ndiyo uwezo unaongoza zaidi kulipa duniani kuliko uwezo wowote ule. 

 Hata hivyo mabilionea wakubwa duniani kama vile: Elon musk, Michael Dell, bilgates, Michael Zuckerberg wametumia uwezo huu!

Unatakiwa kujua kwamba saa hii kuna mtu anaumiza kichwa huko juu ya dunia ya mwaka 2050 huko...

SIFA ZAO
➡️Wanapenda sana kujifunza...
➡️Wanapenda sana kufanya tafiti mbalimbali.
➡️Wanapenda sana kujaribu vitu..
➡️Wanapenda sana kutaka kujua tabia za watu pamoja na mahitaji yao.
➡️ Wanapenda sana masuala ya ubunifu.
➡️ Wanapenda sana kufanya mambo mapya. N.k

NB: Watu hawa hufanya kazi za biashara pamoja na ujasiramali!

Kutokana na hilo hujikuta wanapata majibu juu ya mahitaji ya watu hao na mwisho wa siku wanaanda bidhaa then boom!

Unatakiwa kujua kwamba kuna mtu yupo anakufikiria wewe hapo kwamba akutengenezee bidhaa gani au huduma gani ili uje uilipie..

Hata mimi ni miongoni mwa watu hao nafikiria namna gani ninaweza nikamfanya mtu atoe pesa mfukoni mwake ili anilipe kutokana na huduma nitakayompa haha 😂

Ahsante Sana Kwa Kuwa Mwanafamilia Wa Masomo Haya Mazuri!
Mwendelezo Wa Somo Hili Utaendelea Kwa Siku Ya Kesho!

Ndimi Emmanuel Samuel King'ung'e; Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No 0744284329 au tembelea blog yangu kwa kuandika ekingunge.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more