Unaweza kuwa Yeyote Yule...

-
Dunia ni wewe unachotaka kuwa, na asili ya Dunia huwa haimfungi mtu, badala yake sasa mtu huyo anaweza akajifunga mwenyewe kutokana na mawazo yake kwa kujiwekea ukomo juu ya pale anapoweza kufika kimaisha!

Na ifahamike kwamba, duniani hakuna vikwazo halisi zaidi ya vile vikwazo unavyojiwekea mwenyewe kutokana na mtindo wako wa kufikiri! 

Kwa kusema hivyo umekuwa hivyo ulivyo, kwa sababu ndivyo ulivyotaka uwe, na kama hukuamua uwe hivyo inamaanisha kwamba kuna mifumo iliyokuamlia kwa kuwa hukuwa na chaguo jingine...

Kwa hiyo basi, endapo utaamua, unaweza kuwa yeyote yule na hakuna mtu wa kukuzuia.

Ukweli ni kwamba, hakuna cha kukuzuia wala kukusimamisha, bali ni wewe mwenyewe unaweza ukajisimamisha!

Rafiki, dunia ni mali yako, kuwa unachotaka! Hutakiwi kufungwa na utambulisho wa kutengenezewa tena, badala yake sasa unaweza ukajitengenezea utambulisho wako mwenyewe, na kuwa yule unayetaka uwe...

Leo hii huenda ukawa unatambulika kwa sababu ya kozi uliyosomea au kwa sababu ya kazi unayoifanya. Hilo pekee halitoshi.

Unachopaswa kujua ni kwamba, unaweza ukawa mtu mwingine kabisa endapo utaamua kubadilisha utambulisho wako.

Kwa mfano Mimi hapa ni mwalimu mtaalamu, lakini mpaka sasa watu wananitambuaje? Hakuna haja ya mimi kujitambulisha, jibu unalo mwenyewe! Na hilo Jibu ulilonalo ni ushuhuda tosha kabisa! Kwa Hivi Mimi nimekuwa uhalisia wa yule niliyetaka niwe!

Je, unataka kujua imetokeaje? Haijatokea kwa bahati mbaya, nilianza kwa kufanya maamuzi juu ya yule ninayetaka niwe, na hatimaye nimekuwa, na kama mimi nimeweza maana yake hata wewe unaweza!

Kwa maana moja ya kithibitisho tosha kwamba hata wewe unaweza ukafanya jambo fulani ni kwa sababu wengine wameweza kufanya jambo hilo!

Ndugu, hakuna mtu ambaye huzaliwa akiwa hawezi au hastahili. 

Na ifahamike kwamba sote huja duniani tukiwa sawa, yaani: tukiwa uchi, wajinga, wenye kuogopa huku tukiwa hatujui kitu, lakini huwa tunaishia kupata matokeo tafauti katika maisha kutokana na maamuzi tunayoyafanya juu ya wale tunaotaka tuwe!

Je, unataka kuwa nani? Je, utafanya nini ili kuhakikisha unakuwa huyo unayetaka uwe? 

Rafiki, unatakiwa kujua kwamba watu wakuu huamini katika; “vichocheo na matokeo, ikiwa watu wa kawaida huamini katika bahati”.

Hutakiwi kuamini katika bahati, amini katika vichocheo na matokeo. 

Kwa mfano kama unataka kubadili maisha yako lazima uorodheshe ni aina gani ya matokeo unayoyataka, baada ya hapo tafuta vichocheo vitakavyopelekea matokeo hayo!

Pengine labda unataka uwe mjasiriamali ili uuze bidhaa zako mwenyewe, kwa hivi huna budi kutafuta vichocheo vitakavyopelekea matokeo ya wewe kuwa mjasiriamali!

Hivi ni baadhi ya vichocheo hivyo;  kutafuta wazo la bidhaa unayotaka kuuza, kujifunza namna ya kudhibiti mzunguko wa fedha, kuwa na nidhamu Binafsi, kufanya kazi kwa bidii na juhudi, kujifunza namna ya kuhudumia wateja, kujifunza bila kuchoka, kuchukua tahadhari pamoja na kuamini katika wazo lako na uwezo wako!

Ndivyo unavyopaswa kufanya kwa kuwa hakuna Kitu ambacho hutokea kwa bahati, ikumbukwe tunaishi kwenye ulimwengu wa oda na komandi!

Ndimi Emmanuel Samuel King'ung'e; Founder Wa King Mentorship Program, Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No 07 44284329/0773284329 au tembelea blog yangu kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more