jinsi Ya Kuwa Mtu Usiyesimamishwa Na Chochote Kile!

-
Mbinu Ya Nne Amini Kuwa Unaweza Kuwa Yeyote Yule..

Dunia ni wewe unachotaka kuwa. Na Dunia huwa haimfungi mtu yeyote yule, badala yake sasa mawazo ya mtu huyo ndiyo humfunga na kumsababishia ajiwekee ukomo juu ya pale anapoweza kufika kimaisha.

Unatakiwa kujua kwamba duniani hakuna vikwazo halisi zaidi ya vile vikwazo unavyojiwekea mwenyewe kutokana na mtindo wako wa kufikiri. 

Kwa hiyo umekuwa hivyo ulivyo kwa sababu umeamua uwe hivyo, au kuna mifumo Fulani hivi ambayo imekutengeneza na kusababisha uwe hivyo ulivyo na wewe hukuwa na chaguo jingine. 

Na unaweza ukawa huyu ama yule kesho yako endapo utaamua kuwa mtu mwingine kabisa ambaye hujawahi kuwa.

Habari njema ni kwamba hakuna wa kukusimamisha zaidi ya wewe mwenye unayeweza ukajisimamisha kutokana na mtindo wako wa kufikiri.

Yamkini umechoshwa na utambulisho bandia unaotokana na kozi uliyosomea au kazi unayoifanya na pengine labda unataka ukate minyororo inayokuunganisha huko ili uwe mtu mwingine kabisa. 

Nipo hapa kukutia moyo, ya kuwa inawezekana endapo utaamua kwa dhati kabisa.

Kwa upande wangu kitaaluma mimi ni mwalimu mtaalamu. Mnamo mwaka 2020 niliamua kuwa nataka niwe, Mwandishi, Mshauri, Mnasihi (Mentor), muelimisha jamii na kocha wa maisha baada ya miaka mitatu kutoka mwaka huo. 

Mpaka kufikia leo hii nimefanikiwa na ninakiishi kile nilichojisemea kuhusu yule niliyetaka niwe!

Kwa hiyo basi kama mimi nimeweza maana yake hata wewe unaweza.

Huenda unatamani ungekuwa mtu wa aina Fulani, lakini unajiona pengine labda huwezi. Hizo ni fikra zako  zilizobatilika!  Ukweli ni kwamba, sote tunaweza na sote tunastahili.

Rafiki, hutakiwi kuridhika na utambulisho bandia ambao umepewa na watu wengine, endapo utaishi kwa kufuata utambulisho huo hutakuwa huru, na utabaki kuwa  mtu wa kusimamishwa sana, hasa pale inapotokea kuna vigezo unapungukiwa. 

Maadamu una mpango wa kuwa aina ya yule mtu ambaye hawezi kusimamishwa, huna budi kuamini kuwa unaweza kuwa yeyote yule. Weka mkakati utakaokusaidia uwe yule mtu unayetaka uwe. 

Kwa upande wangu niliweka mkakati wa kusoma kila leo, kuandika, kuelimisha, kufundisha kuhusu maisha pamoja na kujitangaza na mpaka sasa ninakiishi kile nilichotamani nikiishi.

Hata wewe ukishamtaja yule unayemtaka uwe huna budi ufuate kile ambacho kanuni ya matokeo na kichocheo inasema.

Hata hivyo kanuni ya matokeo na kichocheo inasema; “Kwa kila matokeo kuna vichocheo ambavyo husababisha matokeo hayo.” 

Ikimaanisha kwamba hakuna kitu ambacho hutokea chanyewe pasi na sababu ambayo husababisha kutokea kwake. Kwa hivi hata wewe huna budi kutafuta vichocheo vitakavyosababisha matokeo ya yule unayetaka uwe.

Kwa mfano kama unataka uwe mjasiriamali maana yake unatakiwa utafute vichocheo vitakavyosababisha uwe mjasiriamali. 

Vichocheo hivyo ni kama vile; kutafuta wazo la biashara, kufanya tafiti za kutosha kuhusu wazo lako, kujifunza namna ya kudhibiti mzunguko wa fedha, kuwa na nidhamu binafsi, kuwa mtu wa bidii, kujifunza namna ya kuhudumia wateja, kujifunza kila leo, kuchukua tahadhari pamoja na kujiamini na kuamini wazo lako! 

Hivyo ndivyo unavyopaswa kufanya ili uwe yule mtu ambaye huwezi ukasimamishwa. 

Chagua yule mtu unayetaka uwe baada ya hapo chagua vichocheo ili uwe huyo mtu nawe utakuwa.

Ahsante Sana Kwa Kuwa Mwanafamilia Wa Masomo Haya Mazuri...

Mwendelezo Wa SoMo Hili Utaendelea Kwa Siku Ya Kesho!

Ndimi Emmanuel Samuel King'ung'e; Founder Wa King Mentorship Program, Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No 07 44284329/0773284329 Au tembelea blog yangu kwa kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more