Jinsi Ya Kuwa Mtu Usiyesimamishwa Na Chochote Kile... Mbinu Ya Pili

-
2. Daima Fikiri Kuhusu Malengo Yako
Unapokuwa umeweka lengo kwa uwazi maana yake unakuwa unajua kile unachokitaka. 

Unapojua kile unachokitaka maana yake hutaweza kuvipa nafasi vile usivyovitaka vikusimamishe katika mapambano yako utakayokuwa unayafanya ili kufanikisha malengo yako. 

Unatakiwa uweke lengo lako kwa uwazi ili upate hamasa na shauku ya kulifikia. Kwa sababu wakati mwingine si kwamba watu wanakosa hamasa kuhusu maisha yao, bali wamekosa kuweka wazi kile wanachokitaka maishani mwao. 

Kwa hiyo hakikisha unaazimia lengo lako katika hali ya uwazi!

Kwa tafsiri nyepesi lengo ni; mpango, tarajio, dhamira, nia au kusudio la mtu ndani ya kipindi fulani cha muda. 

Ili tupate picha kamili kuhusu lengo lazima tufafanue masuala yafuatayo. 

Lengo Ni Nini? Ni kile unachokusudia kufanikisha ndani ya muda fulani, hii inamaanisha hicho kitu kiwe dhahiri kikiwa kina viashiria ambavyo vitajidhihirisha ili tujue kuwa lengo hilo limetimia.

Kwa mfano ninaweza kuazimia lengo kwa kusema; baada miaka miwili nitakuwa natengeneza milioni moja kila mwezi kutokana uwekezaji nitakaofanya.” 

Ni Nini Unakusudia? Ili kukamilisha picha kamili ya lengo lako lazima utaje kile utakachokifanya ili kutekeleza lengo lako. 

Sehemu hii inahusu kuweka mikakati, mifumo, njia, michakato pamoja na hatua utakazochukua ili kufanikisha lengo lako. 

Kwa mfano, kwa mujibu wa lengo langu nililodokeza hapo juu inamaanisha kwamba, nitafanya uwekezaji katika miradi mbalimbali kama vile; kuchapisha na kuuza vitabu, kuanzisha huduma ya ushauri, kufungua duka la viatu vya watoto pamoja na kuwekeza kwenye kilimo. 

Hii inamaanisha kwamba nitafanya uwekezaji tofauti tofauti kama mbinu zitakazonisaidia kufanikisha lengo langu. 

Rafiki ni muhimu sana kuweka bayana mbinu, michakato, njia na mifumo yote itakayokusaidia ili utimize lengo. 

Unatakiwa kujua kwamba mchakato ni muhimu kuliko lengo lenyewe. Na hii ni kwa sababu kupitia mchakato ndipo lengo hutimia. 

Baada Ya Muda Gani? Ni muhimu kutaja muda mahususi kuwa kusudio lako linatakiwa kufikiwa lini. Yaani kile ambacho umekikusudia kama lengo ni lini sasa unataka kitokee. 

Kwa mfano ninaweza kusema hadi kufikia 2030 nitajenga taasisi itakayokuwa inatoa elimu ihusuyo maisha, ili kuwafanya watu wangu wajitambue.

Ndugu, ukiwa unaishi huku ukiwa na malengo maana yake utapata fokasi, ukishapata fokasi hutatapanya nguvu zako sehemu mbalimbali bali utazielekeza katika kutimiza malengo yako. 

Kwa hivi hautasimamishwa tena kwa sababu utakuwa unaelekea kule yaliko malengo yako.

Unapoweka malengo haijalishi ni ya kiuchumi, kiafya, kimahusiano, kikazi, n.k. Maana yake hutaweza kusimamishwa na kwa muda wote utakuwa ukipokea hamasa, nguvu pamoja na shauku hali itakayokusaidia uyaishi malengo yako.

Hata hivyo ili kupokea hamasa na nguvu zaidi za kutokusimamishwa na chochote kile huna budi kusoma malengo yako kila siku. 

Unashauriwa usome hata mara mbili kwa siku. Soma usiku kabla hujalala, na soma asubuhi baada ya kuamka. Unaposoma hakikisha unarudia rudia mpaka malengo hayo yapokelewe kwenye sehemu ya akili iitwayo Subconscious Mind.

Kwa kusema hivyo kwa usiku mzima na kwa siku nzima akili yako itakuwa ikijishughulisha kukutafutia mbinu mpaya zitakazokusaidia uyaishi malengo yako. 

Kwa hivi utajikuta ukipokea mbinu hizo. Matokeo yake utajikuta ukipata hamasa, nguvu na shauku ya kuyaishi malengo yako.  

Unapofikia kiwango hicho ndipo unakuwa yule mtu ambaye huwezi ukasimamishwa, hata mimi huwa siyo mtu ninayeweza kusimamishwa kwa sababu ni mtu ninayeishi kwa malengo. 

Hivyo basi ili uwe mtu wa kutokusimamishwa na chochote kile unapaswa uwe ni mtu unayeishi kwa malengo. 

Ahsante Sana Kwa Kuwa Mwanafamilia Wa Masomo Haya Mazuri...

Mwendelezo Wa SoMo Hili Utaendelea Kwa Siku Ya Kesho!

Ndimi Emmanuel Samuel King'ung'e; Founder Wa King Mentorship Program, Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No 07 44284329/0773284329 Au tembelea blog yangu kwa kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more