Jinsi Ya Kuwa Mtu Usiyesimamishwa Na Chochote Kile...

-
Mbinu Ya Tatu Jiboreshe Kila Leo 

Kwa mujibu wa tafiti zilizofanyika zimeonesha kuwa, karibu kila ujuzi huweza kupitwa na wakati kila baada ya miaka miwili na nusu hadi miaka mitatu. 

Kwa hivi kujua kitu Fulani siyo kigezo cha kufanikiwa kimaisha, bali kuendelea kujiboresha ndiyo mbinu itakayokusaidia uwe mtu usiyesimamishwa katika kufanya kitu Hicho.

Kwa sababu hata kama mabadiliko yatatokea wewe pia utabadilika kuendena na mabadiliko hayo, na hakuna kitu ambacho hubadilika haraka kama mabadiliko yenyewe.

Rafiki unapojiboresha kila leo inamaanisha kwamba, utakuwa unapata mbinu mpya za kufanya mambo yako. Kwa hiyo basi utakuwa mtu muafaka muda wote!

Kwa mfano sikuweza kujua kwamba kuna kitu kinaitwa online coaching, lakini mara baada ya kujifunza nimeweza kutoa huduma hii na mpaka sasa huwa nasimamia watu waliopo nje na eneo nililopo!

Na kuna baadhi ya wanafunzi wangu ambao huwa tunamaliza nao huduma nzima ya coaching bila kuonana kabisa! 

Nakumbuka maneno ya mtaalamu mmoja hivi yaliyosema; “Ukilishalijua jambo jua limepitwa na wakati jifunze mbinu mpaya za kufanya jambo hilo.” 

Ndivyo unavyopaswa kujua. Unatakiwa ujiboreshe kila leo, sunajua hata wamiliki wa magari huwa wanapeleka magari yao gereji kwa ajili ya kukarabatiwa?

 Ndivyo unavyopaswa kufanya hata wewe, kwa maana hiyo huna budi kuikarabati akili yako kwa kuitafutia maarifa mapya kila leo!

Ukweli ni kwamba miongoni mwa njia nzuri itakayokusaidia utengeneze matokeo yanayodumu ni kutokuacha kujiboresha. 

Hutakiwi kuacha kujiboresha kwa sababu pindi tu unapoacha kujiboresha ndipo unapopitwa na wakati. Matokeo yake utajikuta ukishindwa kufanya jambo lako kwa sababu umeshapitwa na wakati!

Na ndiyo maana ukiona unashindwa kufanya jambo Fulani maana yake kuna ujuzi umepungukiwa. 

Kwa hiyo basi ili uwe na mwendelezo mzuri nawe uepuke kutokusimamishwa huna budi kujiboresha kwa kujifunza ujuzi mpya ili upate mbinu mpya za kufanya jambo hilo.

Unatakiwa kujua kwamba unapojiboresha maana yake unapata mbinu mpya za kufanya mambo, unapopata mbinu mpya za kufanya mambo ndipo na ujasiri wa kufanya mambo hayo unapoongezeka. 

Kadri unavyozidi kuwa jasiri ndivyo unavyokuwa yule mtu ambaye huwezi ukasimamishwa.

Na ndiyo maana awali nilisema kwamba, kadri unavyokuwa na uelewa wa kutosha kuhusu jambo Fulani ndivyo na hofu ya kufanya jambo hilo inavyopungua. 

Kwa hivi kama unataka uwe ni mtu yule ambaye huwezi ukasimamishwa huna budi kujiboresha kila leo kwa kutafuta maarifa mbalimbali. 

Na hivyo ndivyo ambavyo kujiboresha huwasaidia watu na kuwafanya wawe ni wale watu wasiosimamishwa na kila kitu, kwa sababu wanajua mbinu za kutumia ili kufanya mambo yatokee. Hata wewe huna budi kujiboresha.

Jiboreshe kiroho, kiakili, kimwili pamoja na kijamii nikimaanisha namna ya kujenga uhusiano na watu wengine!

Ahsante Sana Kwa Kuwa Mwanafamilia Wa Masomo Haya Mazuri...

Mwendelezo Wa SoMo Hili Utaendelea Kwa Siku Ya Kesho!

Ndimi Emmanuel Samuel King'ung'e; Founder Wa King Mentorship Program, Mwl, Mwandishi, Muelimishaji Katika Eneo La Maendeleo Binafsi, Life Coach And Consultant!

Unaweza Kuwasiliana Nami Kupitia Whatsapp No 07 44284329/0773284329 Au tembelea blog yangu kwa kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more