Asilimia 99 Ya Matukio Unayokutana Nayo Maishani Mwako Umeyavuta Mwenyewe Kupitia Fikra Zako...

-

Wadau walipata kusema kuwa kila kitu hutokea kutokana na sababu, na hakuna  kitu hata kimoja ambacho hutokea chenyewe bila sababu inayosababisha kutokea kwake!

Moja ya kanuni ambayo imesababisha kutokea kwa hali mbalimbali ambazo watu wanakutana nazo katika maisha yao ni kanuni ya uvutano!

Hii ni kwa sababu kanuni hii inasema; "wewe ni kama sumaku inayoishi kwa maana hiyo unaweza ukavuta watu, matukio, rasimali na fursa mbalimbali maishani mwako kutokana na fikra kuu zinazotawala na kuongoza maisha yako."

Kwa kusema hivyo kumbe, mawazo na hisia zetu huvuta hali na matukio yanayolingana na nguvu zake katika maisha yetu. 

Hii inamaanisha kuwa kile unachofikiria kwa nguvu, iwe ni chanya au hasi, kinaweza kudhihirika katika maisha yako.

Je, mpaka hapa maisha yako yanatawaliwa na fikra hasi au fikra chanya? Huna budi kujipa Jibu!

Misingi ya Kanuni ya Uvutano

1. Nguvu ya Mawazo – Unachokifikiria mara kwa mara kinaathiri hali yako ya maisha. Mawazo chanya huvutia matokeo mazuri, wakati mawazo hasi huleta changamoto.

Kwa mfano unapowaza kuwa hakuna mahusiano yanayodumu nyakati hizi ndivyo unavyovuta mwenzi wa mpito kwa sababu mawazo yako hayamtaki mtu wa kudumu!

2. Nishati na Mitetemo (Vibrations) – Kila kitu, ikiwemo mawazo na hisia, kina mtetemo fulani wa nishati. 

Ikiwa una mtetemo wa furaha na matumaini, utavuta hali zinazolingana na nishati hiyo.

Bila shaka huwa unaona kuna baadhi ya watu muda wote wako wamechangamka, ni kwa sababu wana furaha na matumaini...

3. Imani na Matarajio – Unachokiamini na kukitarajia kwa dhati kina nafasi kubwa ya kutokea. 

Ikiwa unaamini unaweza kufanikisha jambo, unajiweka katika hali ya kulipokea.

Kumbuka kanuni ya matarajio inasema; "chochote utakachotarajia kuhusu wewe na maisha yako kwa imani kitakuja kudhihirisha ule unabii uliotabiri kuhusu wewe "

4. Shukrani na Mtazamo Chanya – Kuwa na shukrani kwa kile ulichonacho tayari kunasaidia kuvuta mambo mazuri zaidi.

Shukruni kwa kila jambo, kuwa hai ni muhimu kuna wengine hawajafanikiwa hata kuifikia saa hii!

Jinsi ya Kutumia Kanuni ya Uvutano

1. Kuwa Na Mawazo Chanya – Jitahidi kudhibiti mawazo yako na kuelekeza akili kwenye mambo unayotaka, badala ya yale unayohofia.

3.Tumia Uthibitisho (Affirmations) – Maneno kama "Mimi ni mwenye mafanikio", "Ninavutia fursa njema", huweza kusaidia kuimarisha imani yako.

4. Tengeneza Taswira ya Malengo Yako – Wazia mafanikio yako kwa kina, kana kwamba tayari yamefikiwa.

5. Chukua Hatua – Uvutano hauwezi kufanya kazi bila vitendo. Chukua hatua kuelekea malengo yako huku ukiwa na mtazamo chanya.

6. Zingatia Hisia Zako – Hisia zako ni kiashiria cha kama unalingana na kile unachovutia. 

Furaha na matumaini vinaonyesha uko katika njia sahihi.

Ahsante Sana Kwa Kuwa Mwanafamilia Wa Masomo Haya Mazuri!

Ndimi Emmanuel Samuel King'ung'e; Founder Wa King Mentorship Program, Mwalimu, Mwandishi Muelimishaji Katika Eneo La Maendeleo Binafsi, Life Coach And Consultant!

Unaweza kuwasiliana nami kupitia Whatsapp no +255744284329/0773284329 Au tembelea blog yangu kwa kuandika kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more