UNAISHI MAISHA HALISI AU MAISHA YA KUTUNGWA?

-

Tatizo kubwa la dunia ya leo ni hili:
WENGI WETU TUNAISHI MAISHA YASIYO HALISI KWENYE DUNIA HALISI!

Tumefundishwa mambo mengi yasiyo na msaada. Tumeaminishwa uongo, tukashikishwa maisha ya kubuni, tukasahaulishwa asili yetu. Tumeishi kwa habari za mbinguni bila kuelewa ukweli wa dunia.

Leo, kama hukuwahi kujua, upate kujua:
Dunia hii ndiyo asili yetu.
Ndiyo mama yetu.
Ndiyo msingi wa maisha yetu.

Babu zetu wa kale walijua – kwamba mtu wa kwanza aliumbwa hapa hapa duniani, kwa udongo uliokusanywa kutoka mabara yote saba. Alikuwa ni kielelezo cha dunia nzima – umbile halisi la mwanadamu.

Mwili wako umeundwa kwa madini yaliyopo duniani – Iron, calcium, magnesium, copper...
Yote yapo duniani – yote yapo mwilini mwako.

Sasa fikiria:
Unawezaje kuishi maisha halisi bila kuijua asili yako halisi?
Unawezaje kuongozwa na habari zisizo halisi, kwenye dunia halisi?

Hii ni kuikosesha nafsi yako haki ya kweli.
Ni kuikana roho yako.
Ni kuua utambulisho wako.

Ukweli huu hauhitaji kufunuliwa na roho.
Uumbaji si fumbo. Uumbaji ni kitu halisi!

Maisha yako siyo fumbo. Maisha yako ni halisi.

Mungu si kiumbe. Mungu ni uwepo wenye uwezo na nguvu usiotathminika kikawaida na vinavyoishi uliofanya vyenye uhai vikaishi.

Uwepo huu hauna wivu, hasira, chuki wala kisasi.

Ni sisi viumbe tunaojiumiza wenyewe – kwa kukosa kujua ukweli wa maisha, kwa kupotea mbali na chanzo chetu halisi: Mungu mwenye vyote.

Maelezo mengi yaliyotolewa kuhusu Mungu yamekuwa ya kufumba, si kufumbua.

Ukimwuliza mtu Mungu ni nini – hatajua!
Atakupa majina: Baba, Mfalme, Bwana, Yehova...
Lakini hataeleza kiini.

Kosa si kusoma hayo. Kosa ni kushindwa kuchanganua.

Na hapo ndipo faraja za uongo huanza:
Watu huishi maisha magumu, lakini wanabembeleza nafsi zao kwa faraja zisizo za kweli.

Kwa nje – wanatabasamu.
Lakini kwa ndani – wanavuja damu.

Wanadai wamekombolewa...

Lakini bado: Wanahangaika kupata mlo wa siku. Wanaishi kwa mkopo hadi pumzi ya mwisho. Wanategemea miujiza kuliko kuchukua hatua. Wanashindwa kufikiri nje ya mafundisho ya kiwindaji. Wanashiriki ibada lakini hawana amani. Wanakusanyika kila wiki lakini hawana mshikamano wa kweli.

Je, huu ndio ukombozi unaozungumziwa?

UKOMBOZI WA KWELI SI MANENO, NI MABADILIKO

Kama hujakombolewa katika fikra zako, hata uwe na maombi kiasi gani, bado utakuwa mtumwa.

Basi jiulize upya: Ukombozi wangu ni wa kweli au wa kufikirika?

Siku ya ukombozi wako si ile uliposoma tangazo la kiroho.

Siku ya ukombozi wako ni ile ulipoanza kuhoji, kutafuta, kujifunza, na kuamua kuishi katika kweli – hata kama inauma.

 “Ukombozi wa kweli huanza pale mtu anapoamua kuamka!”

KWAKO wewe uliyekombolewa;

Je, huwa unaomba giza liingie? Huombi.
Je, huwa unaomba jua lichomoze? Huombi.
Je, huwa unaomba oksijeni unayoivuta? Huombi.

Basi tuliza kichwa.
Tafakari juu ya ukuu wa Mungu mwenye vyote.
Usitishwe na sauti za dini au biashara za kiroho.
Tafakari. Tambua. Amka.

Pole sana kwa maisha uliyolazimishwa kuyaishi.
Pole kwa kubadilishwa kuwa bidhaa ya kibiashara kwenye kila jambo – kuanzia maombi hadi miujiza.

Lakini bado kuna tumaini.
Ukielewa kwamba malaika na majini ni viumbe kama wewe – wenye maisha yao, kwenye sayari zao – utaanza kutofautisha hadithi za sayari zao na ukweli wa dunia yako.

Naam, ijue dunia yako.
Ijue sayari unayoishi.
Ijue asili yako.

Kwa sababu asili yako ndiyo kila kitu kwako.

Ndimi Emmanuel Samuel King’ung’e.

Ninakupenda, ninakujali – hata kama huwezi kuelewa upendo wangu kwako sasa.
Siku moja utaelewa.

Mawasiliano: 0744284329 kingmentorshipprogram.blogspot.com

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more