AHADI NI DENI

-
Babu wetu wa kale walituachia methali yenye uzito isiyo na mwisho wa maana: *“Ahadi ni deni.”* 

Walijua fika kuwa unapomwahidi mtu jambo, kwake hiyo ahadi inageuka kuwa hitaji. Ukishindwa kutimiza, unabaki umebeba deni.

Na mimi sitaki ukubaki na deni lolote lile, nilikuahidi kuwa nitatoa SoMo linalohusu sanaa ya kuazimia na kutimiza MALENGO. 

Nipo hapa kusawazisha akili zako na kuzipa utimamu ili uweze kufanikisha matokeo makubwa. 

Furaha yangu ni kukuona ukifanikiwa. Furaha yangu ni kushuhudia unapambana bila kikwazo mbele yako, ndiyo maana niko hapa kukupa taarifa sahihi na maarifa ya kweli ili yawe mwongozo KWAKO!

Unaona ilivyo raha? Naam, ni raha isiyo na kifani.

Sasa turudi kwenye maana ya lengo. Watu wengi wanaishi kwa matamanio, wakidhani ni malengo. 

Mara nyingi utawasikia wakisema: *“Siku moja nitakuwa tajiri, nitakuwa na maisha mazuri, nitamiliki mali nyingi.”* 

Hayo ni maneno mazuri, lakini ukweli mchungu ni huu: hayo si malengo, ni ndoto za mchana!

Ni mitazamo isiyo na mfumo wa utekelezaji.

Ndiyo maana watu wengi hujikuta wakisubiri kesho bora ambayo hawajaiandaa.

Kwenye fahamu zao huona kesho zao Nzuri sana, lakini hawajawahi kuandaa mchakato wa kufikia uzuri huo.

Kwa tafsri nyepeso lengo ni nia, tarajio, au kusudio analoliweka mtu ndani ya muda fulani.

Ili kupata maana kamili ya lengo, lazima tufafanue mambo matatu. 

Kwanza, lengo ni nini? Ni kile unachotaka kukamilisha. 

Pili, unakusudia nini? Hapa lazima ueleze njia, mfumo, au mchakato wa kufanikisha lengo lako. 

Tatu, baada ya muda gani? Ni muhimu kueleza kwa uwazi muda uliopanga ili lengo lako litimie. 

Hii ndiyo inakusaidia kuwa na nidhamu binafsi na kufanya tathmini ya maendeleo yako.

Mfano halisi: *Nataka kutengeneza milioni moja kila mwezi.* Hilo ni kusudio. (Lengo)

Lakini sasa angalia mchakato: 

Nitawekeza kiasi fulani cha fedha ili kiwe chanzo cha mapato.

Nitatafuta kazi ya pili ili kuongeza kipato.

Nitatumia fedha kwa nidhamu na kuweka akiba.

Nitaweka mkakati wa kila siku wa kutafuta wateja wapya ili kuongeza mauzo.

Mfano huu unaonyesha maana kamili ya lengo. Ukiweka lengo, lazima ueleze pia mchakato wa kulifikia. Bila mchakato, lengo hubaki kuwa tamanio tu.

Ni muhimu kufahamu kwamba mchakato ni mkubwa zaidi kuliko lengo lenyewe, kwa sababu ndilo daraja linalolifanya lengo litokee. 

Bila mchakato, lengo linabaki kuwa wazo. Kwa hiyo, kila unapoazimia, weka wazi hatua na njia utakazotumia.

Je, ungependa kuelewa zaidi kuhusu sanaa ya kuazimia na kutekeleza malengo kwa usahihi?

Wasiliana nami, nitakuongoza hatua kwa hatua kwa kukushirikisha yale ambayo mimi mwenyewe hutumia kupata matokeo makubwa.

*Ndimi,
Mbulwa King’ung’e*
📞 Mawasiliano: 0744 284 329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more