Maisha Yako ni Wajibu Wako

-

Kabla hujasoma zaidi, jiulize maswali haya:

Bado unawalaumu wazazi wako kwa kutokukupa kile unachohitaji leo?

Bado unalaumu mfumo wa elimu - bila hata wewe mwenyewe kuunda mfumo wako binafsi kwa kizazi chako?

Bado unashikilia lawama za jana kana kwamba zitaweza kubadili yaliyotokea?

Na labda zaidi, bado unajilaumu wewe mwenyewe kwa mambo ambayo wakati huo hukuyajua?

Kama jibu lako ni ndiyo, basi makala hii ni yako.
Na kama jibu lako ni hapana, bado makala hii ni yako pia - maana haitoshi tu kuacha kulaumu, bali ni lazima ujue namna ya kuwajibika kikamilifu.

Ndugu yangu, acha tuzungumze ukweli.
Lawama hazina nguvu ya kubadili kilichotokea jana, lakini uwajibikaji una nguvu ya kubadilisha kesho yako.

Ninaandika haya si kama mtu anayeongea kwa nadharia tu, bali kama mtu aliyeishi ndani yake.

Nilipohitimu chuo, nilipitia kipindi kigumu sana. Nilihisi maisha hayako upande wangu. Nilihisi nimeachwa nyuma. 

Nilikuwa na kila sababu ya kulaumu  - mazingira, historia yangu, na hata watu waliokuwa karibu nami. Lakini nikagundua kitu cha thamani kubwa: lawama hazibadilishi chochote.

Nilipoacha kulaumu na kuanza kuwajibika, maisha yangu yakaanza kubadilika. 

Nilianza kujua uwezo wangu, nikajua thamani yangu, na ndipo ndoto yangu ya kuandika na kuanzisha King Mentorship Program ikazaliwa. Leo hii, mamia ya watu wanaguswa na program hii kwa sababu nilichagua kuwajibika badala ya kulaumu.

Kwa safari yangu ya uchunguzi na uzoefu, nimegundua kuna makundi mawili makubws ya watu duniani:

1. Wajibikaji

Hawa ni wapiganaji wa kweli.
Wanajua maisha yao hayatarekebishwa na mtu mwingine, bali wao wenyewe. 

Wanajua hakuna atakayefanikisha ndoto zao isipokuwa wao wenyewe.

Hawa ni wale wanaokaa macho hadi usiku ili mradi jambo lao litimie. 

Wanaongozwa na thamani – nidhamu, ujasiri, bidii, na uadilifu.

Wanajua walipo leo ni matokeo ya maamuzi yao ya jana, na walipo kesho itategemea maamuzi yao ya leo.

2. Walalamishi

Hawa ni mabwana na mabibi wa visingizio.
Kwao kila kitu kina lawama yake: wazazi, walimu, viongozi, hali ya hewa, au hata dunia yenyewe.

Lakini wakipewa nafasi ya kuandaa mazingira bora kwa kizazi chao, wanashindwa kufanya hivyo.

Hali ya hewa ikiwa nzuri, wanafurahi. Hali ikiwa mbaya, wananuna. Wanasahau kuwa tabasamu au kununa kwao hakutabadilisha hali ya hewa - wala maisha yao.

Asili yetu ni kuwajibika na siyo kuwajibishwa.

Misaada ipo, lakini anayekusaidia ni MTU kama wewe. Je, unafikiri alizaliwa na pakiti ya msaada, au alipambana akajitengeneza hadi leo anaweza kusaidia wengine?

Ni huzuni kuona mtu ambaye anapaswa kujisaidia na kuinuka, badala yake anasubiri kuokolewa.

Ndugu yangu, ukweli ni huu: hakuna atakayewajibika kwa maisha yako – zaidi yako mwenyewe.

Badala ya kulaumu, anza kukabili.
Badala ya kunung’unika, anza kuamua.
Badala ya kungoja, anza kuchukua hatua.

Ulimwengu unahitaji watu wanaowajibika, si wabeba lawama. Ulimwengu unahitaji watu wanaoamua, si wanaosubiri.

Kama kila mmoja wetu ataamua kuwajibika kwa nafasi yake, mambo mengi yatawekwa sawa.

Siasa zitaonekana tofauti. Familia zitaimarika. Na maisha binafsi yatakuwa na maana zaidi.

Hitimisho

Leo nakualika kuchukua hatua moja kubwa: acha lawama, shika hatamu za maisha yako.

Usingoje hali iwe bora  iwe bora kwa sababu umeamua kuibadilisha.

Usingoje mtu akusaidie - jisaidie kwanza, ndipo msaada wa wengine utakapokuwa na maana.

Kesho yako inaanza na uamuzi wako wa sasa.
Amua kuwajibika, na maisha yako yatabadilika milele.

✍🏽 Ndimi Mbulwa King’ung’e

Founder, King Mentorship Program

Ninakusaidia kugundua uwezo wako wa ndani, kubadili fikra zako, na kukuongoza kuishi maisha yenye matokeo makubwa.

📌 Karibu kwenye King Mentorship Program -  safari ya kuacha lawama na kuishi maisha ya ushindi inaanza hapa.
Mawasiliano: 0744284329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more