Jenga Mahusiano Yatakayodumu, Hakuna Kuachana Tena..

-
"Umewahi kujiuliza kwa nini mahusiano mengi yanavunjika, hata yale yanayoanza kwa moto mkali...?

Safari yangu ya kujibu swali hilo ilianza mwaka 2019. Nilipoingia kwenye mahusiano na mtu ambaye kwa kweli hakuwa na nafasi ya kuwa mwanandoa. Alijua kabisa hawezi kufika huko, lakini bado alitaka tu tuhusiane.

Kwa ustaarabu nilikubali. Nikajikuta nikiwa ndani ya mahusiano ambayo hayakuwa na malengo, na hata mbaya zaidi, nikaanza kuwekewa vizuizi - nikakatazwa kuingia kwenye mahusiano mengine yenye mwelekeo. 

Nikajiuliza kimya kimya: “Kwa nini nibaki mahali ambapo hakuna mwisho mzuri? Kwa nini ninyimwe nafasi ya kuanzisha kitu cha kweli?”

Wakati huo nilikuwa kijana tu, mwenye ndoto nyingi lakini asiye na mwelekeo wa ndoa. 

Nilijipa taswira ya maisha yangu - kijana handsome, mwenye urefu, nyusi zilizonyooka na nywele zilizokuwa zinasimama kwa wima. 

Nilihisi nina kila sababu ya kuvutia, lakini ghafla nikajiona nikipoteza muda kwenye kitu kisicho na maana.

Nikachukua muda kutuliza akili. Nikaanza kujiuliza maswali mazito:

Kwa nini nipo kwenye mahusiano haya?
Malengo yangu ni nini?
Naona wapi mwisho wake?

Sikupata majibu.

Ndipo safari ya tafiti ilipoanza. Nilianza kuangalia mahusiano ya watu wengine. 

Nikasikia maumivu yao, nikashuhudia vilio vyao, nikagundua wengi wanapitia machungu yale yale. 

Nikatambua jambo moja: wengi wanaingia kwenye mahusiano bila malengo.

Wanaingia kwa ajili ya starehe.
Kwa ajili ya kusukuma siku.
Kwa ajili ya kuepuka upweke.
Na mara nyingine - kwa ajili ya majaribio.

Hapo ndipo nikagundua chanzo cha kuvunjika kwa mahusiano mengi. Wengi wanatumika tu kama majaribio, kama “field” ya mafunzo – kisha wanapotimiza kusudi la muda, wanatupwa.

Ndiyo maana niliamua kuandika mwongozo huu.

Sio kitabu kingine tu cha simulizi. Ni ramani ya maisha kwa yule anayetaka kujenga mahusiano yenye mwelekeo, yenye kupelekea ndoa imara na familia yenye furaha.

Ndani yake utakuta:

Aina za mahusiano (utajua upo kwenye lipi)
Sababu za mahusiano mengi kuvunjika
Athari za kuachana
Na zaidi ya yote -  hatua kwa hatua jinsi ya kujenga mahusiano yatakayodumu

Kwa hiyo, kama umechoka na mahusiano ya maigizo…

Mahusiano yanayokupa maumivu badala ya furaha…

Mahusiano yasiyo na mwisho mzuri…

Basi kitabu hiki ni chako.

Nakuahidi  ukisoma na kufanyia kazi kilichoandikwa humo, utajua kwa nini nimekiita:
Hakuna Kuachana Tena.

Kinakuja muda wowote kuanzia sasa.
Ikiwa unataka kuwa wa kwanza kupata nakala yako, andika neno “mwongozo” sasa hivi.

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more