Kabla Ya Kutafuta Suluhisho, Tafuta Chanzo Kwanza

-
Kabla hujaanza kutafuta suluhisho la matatizo yako, jiulize kwanza chanzo chake ni nini.

Kama chanzo ni wewe mwenyewe, hakuna dawa nyingine - lazima ujisahihishe kwanza.

Naam, huwezi kuondoa tatizo linalotokana na wewe bila kufanya mabadiliko ya nafsi yako. 

Kuna matatizo fulani ambayo hayakuwepo hapo kabla - yameletwa, yakapokelewa, yakarithishwa, na mpaka sasa bado yapo. 

Kosa la mtu mmoja au wachache linaweza kugharimu watu wengi na kuwa chanzo cha matatizo kwa kizazi chote.

Kila kiumbe kiitwacho mtu kimepewa akili -timamu, lakini si kila kiumbe hicho kinatumia akili timamu!

Kiumbe hicho MTU kimepewa akili, ili  kijikosoe, kijirekebisha, kitatue changamoto, na kiboreshe maisha yake. 

Lakini katika zama hizi za ukweli na uwazi, kwa sababu ya tatizo la ujinga, kiumbe hiki kimegeuzwa na kuwa kama mfugo.

Mfugo ambao upo radhi kupelekwa, kuongozwa, na hata kuchinjwa ili kufanywa kitoweo bila kuhoji. 

Mfugo ambao unashangilia kila linalofanywa, liwe la kijinga au jema. Unapiga makofi kwa kila jambo, haupo tayari kuhoji, kwa kisingizio cha “watiini wenye mamlaka." 

Mfugo ambao hauoni thamani ya kuhoji au kuchambua jambo. 

Unaonekana umesoma, una hekima, una ndevu una familia lakini hauna uwezo wa kuamua!

Umedanganywa kuwa umesoma kumbe umenukuu na hauna Elimu unayoihusu kiundani, hauelewi kale yake, umetokea wapi, uko wapi na utaenda wapi baada ya uishi wake! 

Hii ndiyo tunaitegemea ije kuleta mchango katika jamii, taifa, na dunia—lakini badala yake inazalisha mzigo na maangamizi.

Ni jambo la kusikitisha kuona mifugo ndiyo inayoongoza badala ya kuongozwa. Badala ya kuleta ustawi, inaleta uharibifu.

Mfano rahisi ni ng’ombe: ukimpa nafasi ajipangie njia, atajikuta ameingia shambani na kufanya uharibifu mkubwa. 

Halafu watu wanaanza kujiuliza, “tatizo ni nini?” Kumbe tatizo ni yule aliyemruhusu ng’ombe ajiongoze wakati anapaswa kuongozwa.

Kuna matatizo ambayo hayatakaa yatatuliwe mpaka mimi na wewe tuache kuwapa mifugo kibali cha kuamua mustakabali wa mambo.

Tusipokuwa makini, akili zetu zitafubaa na tutaingia kwenye laana.

Na ieleweke: Laana hutokea pale ambapo kiumbe kimeacha matumizi ya akili timamu.

Najua haya ni magumu kueleweka, lakini ulivyoyaelewa, ndivyo yalivyo.

Ndimi Mbulwa.

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more