"Mganga Hajigangi."

-
Babu zetu waliposema “mganga hajigangi” walikuwa wanajua wanachosema.

Kila siku kuna watu wanaopambana ili kunusuru uhai wa wengine - lakini hawana uwezo wa kunusuru uhai wao wenyewe. 

Inauma. Mara nyingi nimepata maumivu hayo; ninaandika haya kwa macho yaliyojaa shaka, sijui bado niko sawa au la.

Watu wanadhani sisi wa kushauri, wa kuelimisha, wa kuandika - huwa hatupitii changamoto. Kana kwamba hakuna changamoto zetu. Kumbe tunateseka balaa.

Tatizo kubwa ni hili: hata watu wa karibu hatuwezi kuwa wazi nao. Hawataki kutuzoea. Wanakuweka mbali, wanadhani uko juu yao.

Wanafikiri tunajua kila kitu, wanatilia mashaka pale tunapoonyesha udhaifu. 

Tunajitahidi kuwachekesha, kuwasaidia, kuwajenga - lakini mara nyingi watu huweka umbali. 

Kila siku inbox ni mtu na shida yake. Unamsaidia, anakushukuru, akisha jua amepata unafuu anakwambia bye! 

Utamuona tena pale tu akibanwa. Sasa sisi je? Maumivu yetu tunayaweka wapi?
Hapo ndipo roho inachomwa kweli.

Na kuna wakati unanyamaza tu. Ukiongea, watu wanakuona kama una wazimu. Hawajui unasonga na mzigo gani moyoni.

Lakini listen, *sisi pia ni watu kama ninyi.*
Tunataka kupendwa. Tunataka kutaniana. Tunataka rafiki wa kweli.

Msituogope bana.
Ukiona mtu anapambana kuwaelimisha wengine, na kupitia yeye umewahi kupata uponyaji wa kiakili - mara moja moja tu, nenda inbox umsemeshe.

Sidhani kama atakutukana, atafurahi balaa.

Wewe mara moja moja tu ingia inbox, sema: “Mzee, uko freshi kweli?”

Usione ni kitu kidogo - hiyo sentensi peke yake inaweza kuwa dawa kubwa kuliko unavyodhani.

Na kwa yule anayetafuta kujua mengi - nakutahadharisha: kujua hakutakupa marafiki. 

Ukweli unaweza kukuweka mbali na watu. Bila kujisimamia, unaweza kusambaratika. 

Kwa sababu ukijua sana, unaweza kujikuta peke yako. Utajua ukweli, halafu utagundua watu wengi wanaishi life ya uongo. 

Ukiwa peke yako na huo ukweli, bila kujisimamia vizuri, unaweza kuvunjika vibaya.

Mimi ni mtu tu. Niko kama wewe. Ninayojua ni machache, nisiyoyajua ni mengi zaidi.

Hivyo basi, usipite kimya. Njooni mnichekeshe, mnitanie, mniongezee nguvu.

Kwa sababu mwisho wa siku, hakuna aliye perfect. Sisi sote ni watu tu - na tunahitajiana.

Asante.

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more