ANZA SAFARI YA KUJITAMBUA LEO

-


Kila siku unayoamka ukiwa hai ni nafasi ya aina yake. Ni fursa ya kuandika upya hadithi yako na kuamua kwamba leo haifanani na jana. 

Maisha yako siyo tukio la bahati nasibu; ni safari yenye lengo, safari yenye kusudi, safari inayoanza tu pale unapochukua hatua za kuijua nafsi yako.

Kama hujui wewe ni nani, hujui una mabavu gani, hujui unastahili nini na unaweza kufanya nini, utabaki kuwa kivuli katika hadithi ya mtu mwingine. 

Dunia haitakusubiri; kila sekunde inakimbia. Kama hutachukua nafasi yako leo, mwingine ataichukua na kuishi ndoto zake huku wewe ukitazama. 

Je, utabaki hapo hapo? Au utaamua kuamka na kuanza safari ya kuutafuta utofauti ulio ndani yako?

Kujitambua ni hali ya mtu kujifahamu kiundani kuhusu hisia zake, ubora wake, udhaifu wake, mahitaji yake na mambo yanayoendesha mfumo wa maisha yake. 

Ni ile hali ya mtu kujijua yeye na utu wake. Swali la msingi la kujiuliza ni hili: Je, unautambua vyema utu wako kweli?

Tafiti za kisaikolojia zinaonesha kuwa watu wengi hawajijui wao wenyewe. Hawajui wao ni nani, wanamiliki nini ndani yao, wanaweza kufanya nini, wanapaswa kudhibiti nini katika maisha yao, au hawajui ubora na udhaifu wao uko wapi.

Wengine hudhani kujitambua ni:
Kuwa na umri mkubwa,
Kujua jinsia yako,
Kuwa na kiwango kikubwa cha elimu,
Kuoa au kuolewa,
Kuwa na cheo kikubwa kazini,
Au kuwa na mshahara mzuri.
Hayo yote ni dhana potofu. 

Kujitambua ni zaidi ya umri ulio nao, zaidi ya elimu uliyo nayo, zaidi ya cheo ulicho nacho au hali ya kifamilia uliyomo. 

Kujitambua ni kujiuliza maswali ya ndani kabisa: Nilitoka wapi? Nipo wapi sasa? Naenda wapi? Ni nini ninapaswa kufanya sasa ili ndoto zangu zipate uhalisia? Unapojijua unakuwa na dira ya maisha. 

Hutetereki kwa urahisi, huishi kwa kubahatisha, huishi kwa kulinganisha. Unaamka kila asubuhi ukiwa na sababu ya kwa nini uishi na kwa nini upigane.

Usikubali kuishi kama kivuli cha mtu mwingine. Usikubali ndoto zako zife kabla hujaziona. Dunia inakusubiri uoneshe kile kilichomo ndani yako. Huu ndiyo wakati wa kuchukua hatua. 

Huu ndiyo wakati wa kuanza safari ya kukutana na nafsi yako ya kweli. Kila siku bila kuchukua hatua ni siku unayopoteza sehemu ya maisha yako.

Ninakualika uamke leo. Kaa chini, chukua daftari, andika ndoto zako, andika kuhusu ukubwa wako na andika udhaifu wako. Kisha jiulize: 

Ni hatua gani nitaanza nazo leo? Usikawie, chukua hatua. Hatua ndogo unayochukua leo inaweza kuwa mlango wa ushindi mkubwa kesho.

Wasifu wa Mwandishi

Emmanuel S. King’ung’e ni mwalimu, mwandishi na mshauri wa maisha anayejulikana kwa kutumia kalamu na maneno yenye nguvu kubadilisha maisha ya watu. 

Anaamini kila mtu ni wa aina yake na ana hazina ya namna yake ndani yake, na kwa hatua sahihi, kila mmoja anaweza kuibuka na kuishi maisha yenye maana na mafanikio.

Jiunge na King Mentorship Program

Ukiwa tayari kuishi maisha ya kusudi na kugundua utofauti ulio ndani yako, nakualika ujiunge na King Mentorship Program leo. Anza safari yako ya mabadiliko sasa hivi, usisubiri kesho.

Mawasiliano: 0744284329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more