BADILISHA VYANZO VYAKO VYA MAARIFA – BADILISHA MAISHA YAKO!

-

Ukweli mchungu ni huu:
Kila siku unayoishi, kila hatua unayochukua, kila jambo unalofanikisha - limejengwa juu ya kitu kimoja muhimu sana: kile unachoruhusu kiingie ndani ya akili yako.

Kila mtu ana ndoto. Wengi wanaota kuwa na maisha bora, magari makubwa, familia yenye furaha, biashara zenye mafanikio. 

Lakini wachache sana hujua siri hii ndogo iliyo na nguvu ya kubadilisha maisha:
Ubongo wako ni kama shamba.
Kile unachokipanda ndicho utakachovuna.

Kama utapanda magugu kwa kuruhusu taarifa zisizo na maana, marafiki wasio na dira, muziki unaokupoteza au mazungumzo yenye kukushusha - usiwe na ndoto ya kuvuna mazao bora.

Lakini kama kila siku utaamua kuwekeza ndani yako, kusoma vitabu vinavyokujenga, kuzungumza na watu wanaokuinua, kusikiliza vipindi vya maarifa na kushirikiana na walimu wanaokutia moyo - basi maisha yako hayatahitaji muujiza mwingine; maisha yako yataanza kubadilika taratibu kwa njia za ajabu.

Wengi wamekosea hapa. Wanataka matokeo ya 100% bila kuweka mbegu yoyote.

Wanataka asubuhi waamke tajiri ilihali hawajachukua hata dakika moja kusoma, kujifunza, au kuwekeza kwenye akili zao. 

Rafiki yangu, maisha hayana mahesabu kama hayo! Hata mtoto wa darasa la saba atakuambia: “Kama hujapanda mbegu, usitarajie mavuno.”

Sasa hebu jiulize kwa ujasiri:
Ni nini unachokilisha akili yako kila siku?
Ni taarifa zipi zinaingia ndani yako kupitia simu, runinga, marafiki, au hata mitandao?
Je, unajenga au unabomoa?

Ukweli ni huu:
Kile unachoruhusu kiingie kichwani mwako leo, ndicho kitakachojenga au kubomoa maisha yako ya kesho. Badilisha vyanzo vyako vya maarifa.

Tafuta maarifa kila siku. Jaza akili yako kwa taarifa zinazojenga na unyanyuke juu ya kila hali iliyokuamulia mipaka.

Usisubiri kesho. Usitafute miujiza.
Miujiza ipo ndani yako - katika vyanzo vya maarifa unavyovipokea kila siku.

Kuhusu Mwandishi
Emmanuel Samuel King’ung’e ni mwandishi na mhamasishaji anayefahamika kwa maneno yake yenye nguvu ya kuinua na kugusa maisha.

Amejitoa kusaidia watu kugundua kile walichobeba ndani mwao King Mentorship Program, programu inayotoa elimu ya utambuzi binafsi, maamuzi bora na mikakati ya maisha yenye mafanikio.

Jiunge na King Mentorship Program
Unataka kujifunza zaidi kuhusu jinsi ya kubadilisha vyanzo vya maarifa yako, kuvunja mipaka iliyoko kichwani mwako na kufanikisha maisha yako?

Jiunge sasa na King Mentorship Program!
📞 Mawasiliano: 0744284329

Kumbuka: Kile unachoruhusu kiingie ndani yako leo, ndicho kitakachobadilisha maisha yako ya kesho. Anza leo. Chukua hatua!*

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more