MATOKEO HAYAJI KWA TAMA - HUJA KWA MFUMO

-
Katika maisha, matokeo mazuri hayaji kwa sababu umetamani. Hapana.

Yanakuja kwa sababu umefanya kazi inayoleta matokeo hayo.

Huu ndiyo ukweli ambao watu wengi hawapendi kuusikia.

Kwa sababu mambo hayatokei kwa kutaka yatokee - hutokea kwa sababu umeandaa mfumo wa kuyafanya yatokee.

Kusema unataka kuwa tajiri ni sawa, lakini mchakato wa kujiandaa kuwa tajiri ndiyo huamua kama hilo tamanio linakuwa uhalisia.

Kusema unataka ndoa nzuri ni vizuri, lakini kuijenga hiyo ndoa ndiyo muhimu zaidi.

Kusema unataka maisha mazuri ni jambo la heri, lakini mchakato wa kuandaa maisha mazuri ndiyo unaamua kama utayapata au la.

Hii ndiyo hoja ninayotaka ikae moyoni mwako vizuri: Hakuna jambo linalotokea kwenye maisha kwa sababu umetaka litokee. Kila jambo linatokea kwa sababu umeandaa mfumo wa kulifanya litokee.

Watu waliofanikiwa duniani hawakufanikiwa kwa sababu walitamani mafanikio.

Wamefanikiwa kwa sababu walijiandaa - kisaikolojia, kiakili na kiroho.

Sasa angalia maisha yako: Je, matamanio yako yamewahi kugeuka uhalisia, au zimebaki kuwa ndoto zinazokupeleka kulala tu?

Na je, Unadhani utaendelea kuota mpaka lini?

Unadhani maisha yako yatabadilika kwa sababu tu unatamani yabadilike

Haijawahi kutokea, na haitaanza leo.

Kila mtu ana uwezo wa kufanya mambo yatokee -lakini si kila mtu anatumia uwezo huo.

Wengi wanasubiri mambo yatokee. Wengine wanayafanya yatokee.

Wewe uko upande gani?
Unataka mambo yawe sawa au unaweka mambo yawe sawa?

Tunachoishi nacho ni ulimwengu wa kanuni.
Na moja ya kanuni kubwa ni hii:

Kanuni ya Vichocheo na Matokeo

Kila kitu hutokea kutokana na sababu.
Hakuna matokeo bila kichocheo.
Hakuna mafanikio bila sababu.
Hakuna ndoa imara bila sababu.
Hakuna maisha mazuri bila sababu.

Nyuma ya kila matokeo, kuna vichocheo vinavyozalisha matokeo hayo.

Ukivijua na kuvifanyia kazi, unapata unachotaka.
Ukivipuuzia, unabaki na ndoto.

Hakuna siri nyingine.
Hakuna uchawi.
Hakuna ndumba.

Chochote unachotaka - tengeneza mfumo unaokipeleka kutokea.
Amini mfumo.
Dumu ndani yake hadi matokeo yajionyeshe.

Sijasema haya kwa sababu mimi ni mkamilifu.
Nasema haya kwa sababu hii kanuni imenijenga -kila hatua.

Safari yangu ya uandishi ilianza kwa kutumia kanuni hii.

Safari ya King Mentorship Program ni matokeo ya kufuata mfumo huu.

Ukiona kila siku napost maudhui, usifikiri napoteza muda au nakuchosha. Hapana.

Huo ndiyo mfumo wangu wa kujenga chapa, kukuza jina, kupata wateja na kuunganishwa na watu sahihi.

Tamaa bila hatua ni hadithi.
Tamaa bila mfumo ni muziki usio na ala.

Usiishie kutamani - tenda.
Wewe ni kifaa halisi cha kuzalisha maisha yako.

Ndimi, Mbulwa King’ung’e
Mawasiliano: 0744 284 329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more