Ukiachwa Achika: Siri Kali ya Kuacha Kung’ang’ania Mtu Asiyekutaka...

-
“Yaani mimi maisha yangu bila Fulani haiwezekani… Yeye ndiye alikuwa kila kitu kwangu.”

Hayo ni maneno yanayotoka kwa watu ambao mapenzi yamewachanganya kiasi cha kusahau kwamba hata kabla ya mahusiano hayo, maisha yao yaliendelea vizuri tu.

Kwa sababu , kabla ya huyo mtu kuingia kwenye maisha yako, uliishi, ulipumua, ulifanya kazi, ulijipanga - na uliendelea tu bila kupasuka.

Lakini leo hii, mtu akikuacha unasingizia dunia yote imekugeuka.
Unajifanya huna uhai.
Unajifanya huna thamani.
Unajifanya huwezi tena.

Tatizo ni kwamba wengi wamejigeuza kuwa vipenzi ving’ang’anizi. 

Hawataki kuachika, hawataki kukubali, na mbaya zaidi – mahusiano wanayong’ang’ania hayana mizizi. 

Waliingia kwa kukurupuka kama vitenzi vikurupushi, halafu mwisho wa siku mwenzako kageuka na kuwa kitenzi kikwamizi, wakati wewe umebaki kuwa kitenzi king’ang’anizi.

Matokeo? Unageuka kipenzi king’ang’anizi.
Wewe kubembeleza; mwenzako anakukomesha.
Wewe kutuma SMS; yeye kuzifuta bila kuzisoma.
Wewe kupiga; yeye “anakata” simu kwa makusudi. 

Siku nzima inbox - matone ya machozi badala ya maneno.

Mahusiano ambayo hayakuwa na msingi hata kidogo, leo unayabeba kichwani kana kwamba ni kampuni uliyoisajili TRA.

Kaka/dada yangu, mbona unajipeleka motoni?

Wenzako wanakimbia moto wewe unaukumbilia?
Unazima moto kwa petroli kweli?

Kama mtu amekuambia hakutaki - mshukuru.
Ndiyo, mshukuru!

Kuna watu wanaishi kwenye mahusiano ya kinafiki miaka mitano wakidanganywa “I love you” wakati vitendo vinaandika “I don’t want you” kwenye mioyo yao. 

Wewe angalau umeambiwa ukweli.
Huo ni ukombozi, sio kipigo cha moyo.

Swali ni: Kama mtu hakutaki, kwanini kung’ang’ania? Ukiona mtu hakutaki, jua kuna kitu hakifai kwake.

Jifunze kusikiliza, kirekebishe, uboreshe nafsi yako - lakini sio kwa ajili yake, bali kwa ajili ya mtu sahihi atakayekuja.

Usijidanganye kuwa mtu anabadilika kwa sababu ya mapenzi. HAPANA.

Watu hubadilika kwa sababu ya maamuzi yao wenyewe, sio kwa sababu umelia sana, umeumia sana au umeandika paragraph 17 za kuomba msamaha.

Ndugu yangu, ukiachwa - ACHIKA.
Ukikataliwa - SIMAMA.
Ukidharuliwa - ONDOKA.
Ukiteswa - JIKOMBOE.

Hukubaliki kwake? Haimaanishi hutakubalika kwa mwingine.

Hebu fikiria: Ni mara ngapi tumesikia mtu kafukuzwa kazi eti “hafai,” halafu baada ya wiki chache tu akapata kazi yenye mshahara mkubwa, adabu kubwa, na mazingira bora kuliko kule alikokataliwa?

Huo ni ushahidi kuwa: Tunapoteza vitu vizuri ili tupate vitu vilivyo bora zaidi.

Lakini ili upate bora zaidi, lazima ukubali kupoteza.

Sasa wewe unamng’ang’ania mtu ambaye:
— Anakuumiza badala ya kukufariji
— Anakudhalilisha badala ya kukuthamini
— Anakurudisha nyuma badala ya kukusukuma mbele
— Anakutesa badala ya kukuponya

Kama amekufanyia hayo, basi si wako, na wala haumfai.

Anachostahili si kung’ang’aniwa - anastahili kupuuzwa, kama anavyokupuuza mwenyewe.

Hii ndiyo ile tunasema: Yeye akimwaga ugali, wewe mwaga mboga. Hakuna kucheka na maumivu yako.

Naandika haya si kama mtu aliyeamka leo na kusema “ngoja niandike.” La hasha!

Naandika kama mtu aliyepitia, aliyeshuhudia, aliyefanya utafiti, na anayeona namna watu wanavyogeuka wafungwa wa mapenzi yasiyowapenda.

Ukweli ni huu: Watu wengi sana wako kwenye mahusiano, lakini hawapendwi.
Wanateseka kimyakimya.

Wanaishi kama wafungwa wanaosukuma siku, sio wapenzi wanaoishi furaha.

Cha kushangaza? Watesaji wao ndio wanaowang’ang’ania zaidi.

Upate kufahamu hili: kila eneo la maisha lina misingi yake. Ukiikosa misingi ya mahusiano, lazima mambo yabomoke, yajichanganye, na mwisho wa siku uishi kwenye maumivu ambayo yalipaswa kuepukika. 

Ndiyo maana ninahitaji watu wawili tu  - wale ambao wako tayari kujifunza, kupokea, na kuifanyia kazi misingi sahihi ili wapendwe kwa uzito, adabu na thamani. 

Wadada watapewa kipaumbele, kwa sababu ndio wamekuwa wakiumia zaidi, kung’ang’ania wanaowatesa, na kuamini kwamba wanaweza kuokoa mahusiano ambayo tayari yamevunjika kabla hayajaimarika.

Kama upo tayari kupokea ushauri wa msingi, utakaokujenga na kukurejesha kwenye uhalisia wako, basi fanya jambo moja tu:
Tuma neno MSINGI kwenda namba 0744284329.

Ukiachwa achika.
Ukikataliwa shukuru.
Ukiumizwa jifunze.

Ukidharauliwa ondoka kwa miguu yote miwili.
Hiyo ndiyo safari ya kuelekea kwa mtu anayekupenda bila kukupunguza.

Ndimi Mbulwa King'ung'e

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more