FEDHA SIYO OMBI — NI HESABU, NI MAAMUZI, NI AKILI...

-
Kuna jambo moja watu wengi hawajafundishwa kuhusu fedha: fedha ni mfumo wa mabadilishano.

Na mfumo huu haukui kwa maombi—unakua kwa maarifa, uelewa wa namba, na uamuzi sahihi wa kiakili.

Fedha haina uhusiano wa moja kwa moja na Mungu. Wala Mungu hagawi fedha.

Ndiyo maana hata yule MTU wa Kwanza mnayemjua, hakuwahi kupewa fedha na Mungu.
Kwa sababu fedha si riziki ya kiungu—ni zao la mahusiano kati ya viumbe.

Kuimiliki fedha hakuhitaji kufunga, kujinyima, au kujitesa.

Kwa sababu mgawao wa fedha hauko kwa Mungu—uko mikononi mwa watu wenzako.

Na hebu nikukumbushe jambo moja: Fedha inachapishwa Uswisi.

Na Mungu hayupo Uswisi. Yeye yupo huko aliko—na huko aliko hakuna makao.

Makao aliyafanya kwa ajili yetu sisi tunaoishi kimwili na kiroho.

Hivyo basi, kama fedha ni mgawao kutoka kwa kiumbe kimoja kwenda kwa kingine, basi sheria ni moja tu:
👉 lazima uwape watu thamani fulani, ndipo wao wakupe riziki yako.

Kuwa na fedha si suala la kuomba kila siku.
Ni suala la: kuelewa namba, kuelewa nyakati ulizomo, na kujua namna ya kuizungusha fedha ili ijizalishe.

Sasa acha nikuulize swali la kiutu uzima, si la mtu wa maombi: "Nikikupa milioni moja leo, nikupe  miaka mingapi ili iwe milioni kumi?'

Hili swali halihitaji uanze kusema:
“Roho wa Bwana niongezee…” Hapana.

Linahitaji akili iliyofundishwa kucheza na namba.

Unatakiwa ujue: ni fursa gani utawekeza, fedha utazungushaje, na mtaji wako utafanya kazi vipi.

Si kufanya vitu kwa kubahatisha huku ukisema:
“Mungu atatenda.”

Hapana. Mungu ana utenzi—huo ndiyo muujiza wake. Yeye hatendi. Ninyi viumbe vyake *ndiyo mnatenda.

Mmepewa: uwezo, nguvu, maisha, dunia na vyote vilivyomo.

Bado mnataka Mungu atende badala yenu?
Hebu kuweni hata na aibu.

Akili kubwa, ikipewa milioni moja, inajua itazalisha kiasi gani cha fedha.

Baada ya kujua hicho kiasi, ndipo inafanya hesabu.

Mfano wa wazi kabisa:

Tuseme milioni moja inakutengenezea 100,000/= kwa mwezi.

10,000,000 ÷ 100,000 = miezi 100

Mwaka una miezi 12:
Chukua: miezi 100 ÷ 12 = miaka 8.3

Maana yake:
👉 miaka 8 na miezi kama 3–4 kutengeneza milioni kumi.

Umeona? Sijaomba. Sijafunga. Sijaita mbinguni.

Nimefanya hesabu.

Hapo ndipo unatambua: nina uwezo gani wa kuzalisha kila mwezi na nitachukua muda gani kufika ninapotaka.

Ndiyo maana ninasema kwa msisitizo:
ifundishe akili yako kucheza na namba.
Zijue namba. Na ujue namba hizo zinamaanisha nini.

Kufanikiwa si bahati.
Ni uelewa wa namba + maamuzi sahihi + uthubutu wa kuchukua hatua.

Hakuhitaji kuomba riziki.
Kunahitaji: ujue ni watu wangapi watakupa riziki, baada ya kuwapa thamani gani, na riziki hiyo iwe gawo lako.

Naitwa Mbulwa King'ung'e.
Ninaendesha King Mentorship Program — programu za utambuzi binafsi.

Ninatoa pia elimu ya fedha ambayo hukufundishwa shuleni.

Sihubiri. Sikupi matumaini hewa.
Nakufundisha akili ifanye kazi.

Nahitajika na watu watano tu — si wengi.
Watu watano tu watakaonipa riziki
kwa kubadilishana na thamani halisi nitakayowapa.

Usiwaze mara mbili.
Matajiri hufikiri haraka na huamua mapema.

Njoo inbox.
Nipe riziki 😅 nile ninenepe, maisha yaendelee,
na wewe uanze safari ya kupata riziki kwa kuwapa wengine thamani.

📞 Mawasiliano: 0744 284 329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more