“Si Kila Mtu Ni Wako: Siri ya Kuishi, Kujenga, na Kuepuka Kukata Tamaa...”

-

Kuna watu—lakini si kila mtu ni wako.

Ukisikia mtu akisema “kuna watu na kuna viatu”, mara nyingi huwa ameshindwa kutofautisha hoja. Maisha hayagawanyiki kwa dharau, bali kwa uelewa.

Ukweli ni huu:
Si watu wote wataunga mkono unachofanya.
Si watu wote watakuwa wafuasi wako.
Si watu wote watanunua bidhaa au huduma yako.
Si watu wote watajitolea kwa ajili yako.

Hilo ni jambo la kawaida kabisa.

Mtu kutokuunga mkono hakumaanishi yeye ni kiatu—la hasha.

Huenda hakuhitaji. Au huenda anahitaji, lakini hajui kuwa wewe ndiye jibu lake.

Kukupuuza kwake hakupunguzi thamani yako.

Ni lazima ukubali jambo moja muhimu:
Kuna watu hawatakuelewa, hata kama utakuwa mzuri kiasi gani.

Hata kama utakuwa bora kiasi gani.

Hata kama utajitahidi kiasi gani.

Hata kama utakuwa mwema kiasi gani—bado hawatakuelewa.

Na hilo si kosa lako.

Watu hao si wako. Moyo wao, imani yao, na utegemezi wao umeelekezwa kwa mtu mwingine, si kwako.

Na asije mtu akakutisha kwa usemi usemao:
“Usimtegemee mtu.”

Anayesema hivyo hajui kanuni za kuishi.

Jiulize kwa uaminifu:
Kama usingewategemea wazazi wako, ungekuwa wapi?

Kama usingetegemea mwalimu au mentor aliyekujenga, ungekuwa wapi?

Kama usingetegemea kazi inayokupa mshahara, ungekuwa wapi?

Niambie, kuna kiumbe gani kisichotegemea Mungu? Kipo wapi? Nionyeshe.

Ndugu msomaji, mfumo wa maisha umejengwa juu ya kutegemeana.


Biashara yako ipo kwa sababu watu wanaitegemea.

Huduma yako ipo kwa sababu watu wanaitegemea—na wewe unawategemea wao.

Basi hoja ya “tusitegemee watu” ipo wapi?

Ndani ya kutegemeana huko, kuna hekima moja ya msingi sana: Ni lazima ujue ni watu gani waliokusudiwa waje wategemee kile ulichojaaliwa.

Uelewa huu utakusaidia: Kuepuka kukata tamaa. Kuacha kulaumu watu. Kuacha kuomba kuthaminiwa na wasiokusudiwa.

Badala yake, jitengeneze msimamo.
Vuta watu wanaofanana na wewe.

Katika maisha haya nimejifunza kuchagua watu.

Watu wanaoelewa ninachofanya.

Watu wasiopenda kudanganywa.

Watu wanaotumia akili.

Watu wasiotaka ushabiki, bali wanataka kuelewa.

Watu wanaotafuta ukweli wa kuishi—ulio juu ya cheo, kazi, mshahara, au fedha.

Hao ndiyo watu ninaowatafuta.

Sitaki watu wanaopenda kudanganywa.

Mwezi huu wa kwanza, nilipunguza watu wengi sana.

Si kwa sababu walikuwa wabaya—la hasha.
Bali kwa sababu hawakuwa wanaunga mkono ninachofanya.

Nilipunguza ili kila mmoja aende mahali anapolingana.

Ndipo nikaanza upya.

Leo ninajenga jamii inayojitambua.
Jamii inayoweza kujiongoza, kujisimamia, na kujitawala.

Haya yote yanatekelezwa kupitia: KING MENTORSHIP PROGRAM.

Karibu uwe sehemu ya familia hii.

Hapa, ukweli wa kuishi kiutu ndiyo kipaumbele chetu cha kwanza.

Ndimi Mbulwa King’ung’e
Founder – King Mentorship Program

📞 Mawasiliano: 0744 284 329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more