“Huenda Hujawahi Kuwa Wewe Maisha Yako Yote...”

-

Usijidanganye.

Hujapotea kwa bahati mbaya.
Ulipotezwa — na mfumo uliokuzunguka.

Tangu ukiwa mdogo, hukuruhusiwa kuwa wewe.
Ulifundishwa kuwa kile kinachokubalika.

Ukaitwa nani.
Ukaelekezwa uende wapi.
Ukaambiwa nini kinafaa… na nini hakifai.

Na kila ulipojaribu kuwa tofauti — ulifinywa urudi kwenye mstari.

Ndoto zako ziliitwa upumbavu.
Sauti yako iliitwa ujinga.
Uhalisia wako ukaitwa makosa.

Na bila kujua… ukaanza kujikana.

Siyo kwa sababu ulitaka — bali kwa sababu ulitaka kupendwa.

Ukajifunza kuvaa sura.
Ukajifunza kusema maneno yasiyo yako.
Ukajifunza kuishi maisha ambayo siyo yako.

Na hapo ndipo ulipopotea.

Leo hii unaonekana uko sawa.

Unafanya kile kinachokubalika.
Unaishi maisha yanayoonekana yanaeleweka.

Lakini ndani yako… kuna kitu kinakataa.

Kuna sauti inakuita — kimya kimya.

“Huyu siyo mimi.”

Na unaisikia.

Lakini unaikimbia.

Kwa sababu ukiisikiliza…
itavunja kila kitu ulichokijenga juu ya uongo.

Itakulazimisha ujiulize:

Nimekuwa nani maisha yangu yote?
Ninachoishi ni changu… au nimeazimwa?
Na kama si changu — basi mimi ni nani?

Na hapo ndipo wengi wanashindwa.

Wanachagua kubaki kwenye uongo unaowapa amani ya muda…

badala ya ukweli unaowapa uhuru wa milele.

Lakini ukweli hubaki:

Hujapotea.
Uliachana na wewe halisi.

Na hujawahi kurudi.

Na si kila mtu ataweza kurudi.

Kwa sababu kurudi kunahitaji ujasiri ambao wengi hawana.

Hapo ndipo wachache wanapotofautiana na wengi.

Wachache wanaoamua kujijenga upya.
Wachache wanaoamua kuvunja mfumo uliowajenga vibaya.

Wachache wanaochagua kuwa wao — bila kuomba ruhusa.

Hapo ndipo tunapoanzia.

King Mentorship Program siyo ya kila mtu.
Ni kwa wale wanaokubali ukweli… hata unapouma.

Ni kwa wale waliochoka kuvaa maisha ambayo siyo yao.

Na kama umefika hapa… kuna uwezekano wewe ni mmoja wao.

Swali siyo kama una tatizo.
Swali ni: uko tayari kulikabili?

Mbulwa King’ung’e
Founder — King Mentorship Program
📞 0744284329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more