*KIONGOZI WA KWELI HAIANZI SIKU BAADA YA WENGINE — ANAANZA KABLA YAO*

Kama una ndoto za kuwa kiongozi, basi kuna jambo moja la msingi hupaswi kulipuuzia— kuanza siku yako kabla wale unaotaka kuwaongoza hawajaanza yao.

Kwa sababu ukweli ni huu: Uongozi hauanzi mbele za watu—unaanzia faraghani pale unapojiongoza mwenyewe.

Kwa miaka ya hivi karibuni, nimejijengea tabia moja iliyonibadilisha sana— kuamka saa kumi asubuhi (4:00am).

Wakati wengi bado wamelala, mimi tayari nimeshaanza siku yangu. Huo ndio muda wangu wa kuandika, kutafakari, na kujenga mawazo mapya.

Ni muda wa kimya, bila kelele za simu, bila usumbufu wa watu, bila haraka za dunia.

Na hapo ndipo ninapopata nguvu yangu kubwa ya ubunifu.

Nakumbuka siku moja nilipoamka saa kumi asubuhi kama kawaida. Wakati wengine bado wamelala, nilikaa mezani na kuanza kuandika. Ndani ya saa mbili tu, niliweza kuandika sura nzima ya kitabu.

Jioni yake niliporudi kuisoma, niligundua kuwa mawazo niliyoyaandika yalikuwa safi, tulivu, na yenye kina kikubwa kuliko siku nyingi nilizowahi kuwa na shughuli nyingi.

Ndipo nilipotambua jambo moja muhimu sana:

Muda wa kimya una nguvu ambayo watu wengi hawaijui.

Watu wengi wamekuwa wakiniuliza swali lile lile:

"Unapata wapi muda wa kuandika maudhui mengi kiasi hicho?"

Jibu langu limekuwa rahisi sana:

Muda upo—lakini lazima uamke mapema kuupokea.

Kuamka saa kumi asubuhi kumeifanya siku yangu ionekane ndefu zaidi kuliko kawaida. 

Wakati wengine wanaanza siku, mimi tayari nimeshamaliza kazi kubwa ya ubunifu.

Hapo ndipo ninapopata nafasi ya kuwa mbele ya ratiba yangu, badala ya kukimbizana nayo.

Kupitia nidhamu hii ya kuamka mapema, nimeweza kuandika vitabu vinavyogusa maeneo muhimu ya maisha ya mwanadamu. Baadhi ya vitabu hivyo ni:

1. Toleo Jipya la Maisha Yako — Ishi Upya. Kitabu kinachomsaidia mtu kubadilisha mtazamo na kuanza maisha mapya kwa ufahamu sahihi.

2. Mimi ni Nani — Fahamu Kusudio la Kuzaliwa Kwako. Mwongozo wa kumsaidia mtu kujitambua na kuelewa kusudi lake hapa duniani.

3. Jenga Mahusiano Yanayodumu — Hakuna Kuachana TenaKitabu kinacholenga kujenga mahusiano imara yenye uelewa na heshima.

4. Elimu Isiyosaidia — Jinsi Maarifa Yasiyo Sahihi Yanavyoharibu Maisha. Kinachochambua mfumo wa elimu na namna maarifa yasiyo sahihi yanavyoweza kumrudisha mtu nyuma.

5. Fedha ni Haki Yako — Mwongozo wa Kufikia Uhuru wa Kifedha Hatua kwa Hatua. Mwongozo unaomsaidia mtu kuelewa fedha na kujenga uhuru wa kifedha kwa vitendo.

6. Malezi Yenye Maana — Mwongozo wa Kujenga Kizazi Kinachojielewa. Kitabu kinacholenga wazazi na walezi wanaotaka kulea kizazi chenye maadili na uelewa wa maisha.

Lakini ni muhimu kusema ukweli mmoja ambao wengi hawausemi:

Kuamka mapema si rahisi mwanzoni.

Mwili unapinga. Usingizi unavutia. Akili inatafuta visingizio— "Leo ngoja nianze kesho."

Lakini baada ya siku chache za nidhamu, mwili huanza kuzoea. Taratibu, kuamka mapema huacha kuwa mateso—huanza kuwa silaha.

Wengi wanafikiri muda haupo. Lakini ukweli ni huu: Muda upo—lakini unahitaji nidhamu ili uupate.

Ndiyo maana mwandishi mashuhuri wa uongozi, John C. Maxwell aliwahi kusema: "Kiongozi ni yule anayejua njia, anaipitia njia, na anaonyesha wengine njia."

Lakini huwezi kuonyesha wengine njia kama wewe mwenyewe unaanza safari ukiwa umechelewa.

Hata viongozi wengi waliotokea hapa nyumbani kwetu walijulikana kwa nidhamu kali ya muda. 

Mfano mmoja ni marehemu John Pombe Magufuli, aliyekuwa akisisitiza uwajibikaji na matumizi sahihi ya muda katika kazi na majukumu ya kila siku.

Kuamka mapema si adhabu—ni silaha.

Ni muda wa kupata utulivu kabla ya kelele za dunia kuanza.

Ni nafasi ya kujenga nidhamu ambayo baadaye huonekana kama mafanikio mbele za watu.

Leo hii, kama kuna jambo moja ambalo limechangia uwezo wangu wa kuandika vitabu na kuzalisha maudhui mengi, basi ni tabia moja tu:

Kuamka saa kumi asubuhi—hata pale ambapo usingizi bado unavutia.

Sasa swali linabaki kwako: Je, utaendelea kusubiri siku ikuamshe—au utaamka wewe uianzishe siku yako?

Kwa sababu ukweli ni huu: Wale wanaoanza siku mapema, mara nyingi ndiyo wanaoamua mwelekeo wa siku zao—na wakati mwingine, mwelekeo wa maisha ya wengine pia.

Na kumbuka daima: Mafanikio mengi hayaamki saa mbili asubuhi—huanza saa kumi.

Ndimi Mbulwa King'ung'e Founder King Mentorship Program.

Mawasiliano: 0744284329