Wazo Moja Linaweza Kubadilisha Maisha ya Maelfu...

-
Kuna wakati unafika katika maisha ambapo unagundua kwamba tofauti kati ya mtu anayebadilisha dunia na yule anayebaki kuwa mtazamaji siyo pesa. Siyo mazingira. Wala siyo bahati. Tofauti kubwa inaanza kwenye wazo.

Leo asubuhi nilikuwa nasoma Think and Grow Rich, hasa sura inayozungumzia *Imagination*. 

Kadri nilivyozama ndani ya kurasa zake, nilikutana na simulizi kuhusu wazo lililogeuka kuwa moja ya bidhaa maarufu zaidi duniani — Coca-Cola.

Baadaye nilipofika hotelini na kuagiza kinywaji hicho, nilikishika kwa mtazamo tofauti kabisa. Sikukiona tena kama soda tu. Niliona nguvu ya wazo la Mtu mwenzangu.

Nikaanza kujiuliza: ni watu wangapi leo wanapata ajira kupitia wazo hilo moja? 

Ni familia ngapi zinaishi kupitia kampuni hiyo? 

Ni wauzaji wangapi, wasambazaji, madereva, wabunifu, marketers, waandishi wa matangazo na wafanyakazi wengine ambao maisha yao yameguswa na mtu mmoja aliyethubutu kuamini wazo lake?

Hapo ndipo nilipozidi kuelewa kwamba kila Mtu amepewa kitu cha aina yake ndani yake. 

Kila mmoja wetu ana wazo ambalo linaweza kuwa suluhisho kwa watu wengine. Wazo ambalo linaweza kuwa chanzo cha ajira. Chanzo cha mabadiliko. Chanzo cha matumaini.

Tatizo ni kwamba watu wengi huzika mawazo yao kabla hayajapata nafasi ya kuishi.

Wengine huogopa kuanza.
Wengine husubiri mazingira yakamilike.
Wengine huamini hawana uwezo.
Na wengine huamini kwamba mafanikio ni ya watu wachache waliozaliwa na bahati.

Lakini ukweli ni huu: dunia hubadilishwa na watu wanaothubutu kuanza na kile walichonacho.

Mimi mwenyewe kupitia wazo la kuanzisha programs za utambuzi binafsi, nimeona maisha ya watu yakibadilika. 

Nimeona watu wakijitambua upya. Wengine wakipata ujasiri wa kuanza biashara. Wengine wakijifunza kujisimamia. Wengine wakitoka kwenye hali ya kukata tamaa na kuanza kuona thamani yao.

Wengine wakianza kujiajiri na kufikiri kuajiri wengine...

Na hapo ndipo maono yangu yalipozidi kuwa makubwa zaidi.

Wazo langu siyo kufundisha tu.
Wazo langu ni kujenga kizazi kinachojielewa.
Kizazi kinachoweza kujisimamia.
Kizazi kinachoweza kujiongoza.
Kizazi kinachoweza kutumia mawazo yake kuleta thamani duniani.

Nimejizatiti kutoa huduma bora za usimamizi na utambuzi binafsi. Nimejizatiti kufundisha watu kuhusu maisha, uongozi binafsi, fikra, maamuzi na namna ya kuishi kwa kusudi.

Kwa sababu naamini kabisa kwamba Mtu akijitambua vizuri, anaweza kubadilisha maisha yake — na akibadilisha maisha yake, anaweza kubadilisha ulimwengu unaomzunguka.

Kwa hiyo leo nataka kukuuliza swali moja tu:

Je, wazo lako linaweza kubadilisha nini duniani?

Usidharau kile kilichopo ndani yako. Huenda jambo ambalo unaliona ni dogo leo, kesho likawa sababu ya watu wengi kupata ajira, matumaini na maisha bora.

Anza na wazo.
Liamini.
Lipe muda.
Lifanyie kazi.
Na dunia itaanza kuona thamani iliyokuwa imejificha ndani yako.

Karibu kwenye programs zangu za utambuzi binafsi chini ya King Mership Program.

Ninaitwa Mbulwa Kingunge.

📞 Mawasiliano: 0744284329

Comments

Post a Comment

Popular posts from this blog

Kusudi, Njaa na Ajira: Msingi wa Mageuzi ya Elimu ya Kiafrika

-
Image
Katika mfumo wetu wa sasa wa elimu, mwanafunzi anafundishwa kusoma ili afaulu mtihani.  Mtihani unapimwa kwa kukariri na kujibu maswali yaliyoandaliwa na mtu mwingine.  Hakuna anayemuuliza mwanafunzi: "Kwa nini upo hai?" au "Umetumwa kufanya nini katika dunia hii?" Hii ni hatari. Kwa sababu tunazalisha wanafunzi wa alama, si wanafunzi wa maono. Tunalea waajiriwa wa mifumo isiyo na huruma badala ya kulea waongozaji wa jamii zenye uhai. Tuna mashule, tuna vyuo, tuna mitihani... lakini hatuna somo la kusudi. Na hapa ndipo tulipoanguka.  Mtoto anakua bila kujua anasoma ili awe nani au atumike kufanya nini.  Matokeo yake? Anajitahidi apate kazi yoyote ilimradi alipwe, hata kama kazi hiyo inaharibu mazingira, inahujumu jamii au inampoteza yeye mwenyewe. “Mwanadamu asiyejua kusudi lake ni sawa na meli isiyo na dira – itazunguka tu baharini hadi itakapogonga miamba.” Vijana wetu wanafundishwa kutafuta kazi, si kutafuta athari chanya katika dunia. Hili ni kosa la...
Read more

Taifa Lililopewa Uhuru wa Mwili, Lakini Limetekwa Kiakili...

-
Image
Aliyetupa Uhuru, Ndiye Aliyerudi Kuuchukua... Afrika tulipewa uhuru, lakini hatukuachiwa uhuru wa kuwa huru. Tulipatiwa uhuru wa kupeperusha bendera, lakini hatukupatiwa uhuru wa kujitegemea kiakili. Tulipewa serikali, lakini hatukuachiwa mamlaka ya maamuzi huru. Tulipewa katiba, lakini hatukuachiwa utambulisho. Kwa hiyo leo tunaposherehekea uhuru, tunasherehekea nini hasa? Je, tunasherehekea kile tulichodhani tumepata, au tunasherehekea kivuli cha kile tulichonyang’anywa? Je, Ni nani aliyewanyang’anya uhuru wenu? Uhuru wenu ulikuwa upi? Ulichukuliwaje? Ulikuwa wapi? Na mliporudishiwa, mlipatiwa nini hasa? Kwa sababu uhuru wa kweli hauishi kwenye vitabu, wala kwenye hotuba, wala kwenye kumbukumbu za historia, unaishi katika akili aa WATU. Maana ya uhuru ni hali ya kiakili. Lakini kama fikra zako bado zinamilikiwa na mifumo ile ile iliyokuja kukuteka, unaweza kweli kusema kuwa wewe ni huru? Leo hii watu bado hawaamini kilichotokea. Wamebaki wakishangaa, midomo wazi, kwa saba...
Read more

Je, Unataka Kujua Chanzo Cha Matatizo Mengi Yanayozikumba Jamii Nyingi Za Kiafrika? Kama Jibu Lako Ni Ndiyo Soma Hii...

-
Image
Siku Moja Nilikuwa Nikitafakari Kwa Kina Ni Kipi Hasa Chanzo Halisi Cha Matatizo Mengi Yanayozikumba Jamii Nyingi Za Kiafrika?  Na Kwa Vile Unaweza Ukaituma Akili Yako Irudi Miaka Ya Nyuma Huko Ikatalii Ili Ione Baadhi Ya Mambo Yaliyotokea Miaka Hiyo, Basi Nilifanya Hivyo Hatimaye Nikagundua Kuwa Matatizo Mengi Tunayokumbana Nayo Ni Ya Kutengenezwa! Unaweza Ukawa Unajiuliza Tatizo La Kutengenezwa Ni Nini Na Lipoje Hilo? Hili Ni Tatizo Ambalo Mtu Anakumbana Nalo Sasa Lakini Huko Nyuma Kuna Kundi La Watu Ambalo Lilihusika Katika Kulitengeneza Aidha Kwa Kujua Ama Kutokujua. Na Kwa Vile Tatizo Hili Huwa Limetengenezwa Basi Hurithishwa Kutoka Kizazi Kimoja Hadi Kingine Bila Ya Kupatiwa Ufumbuzi. Na Wengi Hulichukulia Kikawaida Sana, Matokeo Yake Hujikuta Wakiishia Kuhalalisha Kwa Kusema; "Tuishi Nalo Tu, Huenda Ndivyo Ambavyo Maisha Yetu Yalipaswa Yawe" Kwa Mfano Matatizo Mengi Yanayozikumba Jamii Nyingi Za Kiafrika, Yalitengenezwa Kipindi Cha Miaka Ya Nyuma Sana! Na M...
Read more